تۇركيانىڭ ارنايى قىزمەتتەرى سوڭعى ەكى اپتادا  30-عا جۋىق رەسەيلىكتى قاماۋعا العان دەپ حابارلايدى BBC.

مالىمەتتەرگە سۇيەنسەك، بارلىق ۇستالعاندار رەسەيلىك مۇسىلماندار قاۋىمىنىڭ مۇشەلەرى.

رەسەيدەگى بيلىك  جاساعان قىسىمنىڭ سالدارىنان  ولار ەلدى تاستاۋعا ءماجبۇر بولعان.

بەلگىلى بولعانداي، وسى ايدىڭ ىشىندە 80-گە جۋىق رەسەيلىك ازامات ۇستالعان. تۇركيا بيلىگى ءوز كەزەگىندە ولاردى ۇلتتىق قاۋىپسىزدىككە ءقاۋىپ كەلتىرۋى مۇمكىن دەپ الاڭدايدى.

تۇركيادا قازىرگى ۋاقىتتا توتەنشە جاعداي رەجيمى ورناپ تۇر.

تۇركياداعى رەسەيلىك ازاماتتىڭ ءبىرى: "بەتىن تۇمشالاعان باز-بىرەۋلەر جاس-كارى دەپ قاراماي، ۇلكەن كىسىلەردى، بالالاردى، ايەلدەردى الىپ كەتىپ جاتىر دەيدى".

رەسەي تۇركيانىڭ ارنايى قىزمەتتەرىنە مۇسىلمانداردى ۇستاپ الۋدى وزدەرى تاپسىرعان دەگەن پىكىر بار.