پەرميالىق بلوگەر الەكسەي بەسسونوۆتىڭ «قازاقستانعا قارسى سوعىس اشۋ كەرەك» دەگەن مازمۇندا جەلىگە تارالعان ۆيدەوسى قازاقستان قىلمىستىق كودەكسىنىڭ نورمالارىن بۇزۋشىلىق بولىپ تابىلادى. بۇل تۋرالى Tengrinews.kz تىلشىسىنە ق ر ءىىم مالىمدەدى، دەپ حابارلايدى Qamshy.kz اقپارات اگەنتتىگى.

«الەكسەي بەسسونوۆتىڭ ارەكەتىنە بايلانىستى ق ر قك-نىڭ 179-بابىنا سايكەس «ناسيحات جۇرگىزۋ جانە بيلىكتى جاۋلاپ الۋ نەمەسە ۇستاپ قالۋ نەمەسە قازاقستان رەسپۋبليكاسىنىڭ كونستيتۋسيالىق قۇرىلىسىن كۇشتەپ وزگەرتۋ» بويىنشا قىلمىستىق ءىس جۇرگىزۋ كودەكسىنىڭ 187-بابىنا سايكەس، ايىپتاۋدى ۇلتتىق قاۋىپسىزدىك كوميتەتى جۇزەگە اسىرادى»، - دەلىنگەن ءىىم حابارلاماسىندا.

بۇدان بۇرىن ق ر ۇقك بەسسونوۆتىڭ ارەكەتى فاكتىسىن تەكسەرۋ ۇستىندە ەكەنىن حابارلاعان.

ايتا كەتەيىك، بۇدان بۇرىن قازاقستانعا قارسى اشىق نارازىلىق بىلدىرگەن الەكسەي بەسسونوۆتىڭ ۆيدەوسى جەلىگە تاراعان. رەسپۋبليكا ازاماتتارى بلوگەرگە قارسى قىلمىستىق ءىس قوزعاۋدى تالاپ ەتتى.