مەملەكەت باسشىسىنىڭ 2015 جىلعى 4 جەلتوقسانداعى № 126 جارلىعىمەن (وزگەرىستەرمەن) بەكىتىلگەن «تىلدەردى قولدانۋ مەن دامىتۋدىڭ 2011 – 2020 جىلدارعا ارنالعان مەملەكەتتىك باعدارلاماسىنداعى» «تىلدەردىڭ ءۇشتۇعىرلىعى» مادەني جوباسى اياسىندا جۇمىستار جۇرگىزىلۋدە. قازاقستاندا تۇراتىن بارلىق ەتنوس وكىلدەرىنىڭ انا تىلدەرىن وقۋعا جاعداي جاسالىنىپ وتىر. رەسپۋبليكالىق جانە اۋماقتىق ەتنومادەني بىرلەستىكتەرجانىنداعى 18 جەكسەنبىلىك مەكتەپكە، مەملەكەتتىك جانە انا ءتىلىن وقىتۋ كۋرستارى جۇرگىزىلۋدە.

ق ر تىلدەردى دامىتۋ باعدارلاماسى جىلدار بويى وڭىر-وڭىردە ءتۇرلى دەڭگەيدە جۇزەگە اسىپ كەلەدى.

 اتالمىش باعدارلاما اياسىندا مەملەكەتتىك ءتىلدى وقىتۋ ورتالىقتارى اشىلىپ، ەلىمىزدىڭ ءار ازاماتىنا قازاق ءتىلىن ۇيرەتۋگە پارمەندى وقىتۋشىلار دا دايىندالدى. بۇگىنگى تاڭدا ەلىمىزدە وزگە ۇلت تىلدەرى مەن مادەنيەتىن تۇلەتۋ مەكتەپتەرى 4-ەۋ بولسا، وندا وقىتىلاتىن تىلدەر سانى - 25. 

اتاپ ايتساق 2011 جىلى 17 ەتنوس ءتىلى وقىتىلسا، 2015 جىلى 22 ەتنوس ءتىلى وقىتىلىپ، 1000-عا جۋىق ادام قامتىلىپ وتىر. سونداي-اق انا تىلدەرىندە ءتۇرلى ادىستەمەلىك كومەك كورسەتۋ ماقساتىندا 2014 جىلى 7 ەتنوستىڭ تىلىندە (كارىس، دۇنگەن، تۇرىك، وزبەك، ۇيعىر، ۋكراين، تاتار) ادەبيەتتەر شىعارىلدى. الەۋمەتتىك زەرتتەۋدىڭ ناتيجەسى بويىنشا2014 جىلى رەسپۋبليكادا مەملەكەتتىك ءتىلدى مەڭگەرگەندەردىڭ ۇلەسى 72،1%،ورىس ءتىلىن مەڭگەرگەندەردىڭ ۇلەسى 86،2%، اعىلشىن ءتىلىن مەڭگەرگەندەردىڭ ۇلەسى 20،4%، مەملەكەتتىك، ورىس جانە اعىلشىن تiلدەرiن مەڭگەرگەن حالىقتىڭ ۇلەسi 15% قۇرادى.

قازىرگى ۋاقىتتا ەلباسىنىڭ «100 ناقتى قادام»: بارشاعا ارنالعان قازىرگى زامانعى مەملەكەت» ۇلت جوسپارىنىڭنەگىزگى باعىتتارىنىڭ ءبىرى – «ماڭگىلىك ەل» جالپىۇلتتىق پاتريوتتىق يدەياسىن جۇزەگە اسىرۋ ماقساتىندا تىلدەردىڭ ءۇشتۇعىرلىعى، ۇشتىلدە ءبىلىم بەرۋ يدەياسىن ناسيحاتتاۋ جانە ادىستەمەلىك ماتەريالداردى شىعارۋ بويىنشا باعدارلاماعا وزگەرىستەر مەن تولىقتىرۋلارەنگىزۋ جۇمىستارى جۇرگىزىلۋدە.