2017 جىلعى 6 قىركۇيەكتە استانا قالاسىنا مەملەكەتتىك ىسساپارمەن پولشا پرەزيدەنتى اندجەي دۋدا ءوزىنىڭ جۇبايى اگاتا كورنحاۋسەر-دۋدامەن بىرگە كەلدى. پولشا پرەزيدەنتىنىڭ  ءىسساپارى «ەكسپو-2017» حالىقارالىق مامانداندىرىلعان كورمەسىندەگى پولشا اپتالىعىنا ارنالدى.

ءىسساپار شەڭبەرىندە پولشا رەسپۋبليكاسى پرەزيدەنتىنىڭ جۇبايى استانا قالاسىنداعى №5 گيمنازيادا بولىپ، ونداعى پولياك جەكسەنبىلىك مەكتەبىنىڭ قىزمەتىمەن جان-جاقتى تانىستى.

جەكسەنبىلىك مەكتەپتىڭ وقۋشىلارى پولشانىڭ دەلەگاسياسى مەن جوعارى مارتەبەلى قوناقتارىن پولياكتىڭ ۇلتتىق كوستيۋمىندە قارسى الىپ، ولارعا اسا زور قۇرمەت كورسەتتى. سونىمەن بىرگە، ءىس-شارا بارىسىندا ف. شوپەن اتىنداعى پولياك كابينەتىنىڭ تۇساۋكەسەرى وتكىزىلىپ، پولياك جەسكەنبىلىك مەكتەبىنىڭ وقۋشىلارىمەن قىزعىلىقتى اڭگىمە وتكىزىلدى. اگاتا كورنحاۋسەر-دۋدا حانىمنىڭ ماماندىعى - ءمۇعالىم. سوندىقتان ول قازاقستاننىڭ ءبىلىم بەرۋ جۇيەسىنە قىزىعۋشىلىق ءبىلدىرىپ، اقپارات الماستى.

№5 گيمنازياسىنىڭ ديرەكتورى ا.س.ترۋفانوۆ، استانا قالاسى «روlاسy» پولياك قوعامىنىڭ ءتوراعاسى ە.ا.روگوۆسكايا مەن پولياك جەكسەنبىلىك مەكتەبىنىڭ ديرەكتورى م.ۆ.مالينوۆسكايا پولياك جەكسەنبىلىك مەكتەبىنىڭ قىزمەتى تۋرالى جانە جالپى ءبىلىم سالاسىنا قاتىستى ماسەلەلەر تۋرالى ايتىپ بەردى. «بۇل جەكسەنبىلىك مەكتەپ پولشادان الىس بولعانىمەن، مەنىڭ جۇرەگىمدە جىلى اسەر قالدىردى. مەنى قۋانتقانى مۇندا پولياك ءتىلىن پولياكتار  عانا ەمەس، باسقا دا ۇلت وكىلدەرى وقىپ جاتىر ەكەن»، - دەدى ءوز سوزىندە اگاتا كورنحاۋسەر-دۋدا حانىم.

پولياك جەكسەنبىلىك مەكتەبى نەگىزىنەن پولياك ءتىلىن، ادەبيەتى مەن فولكلورىن وقىتۋعا باعىتتالعان. «استانا قالاسىنداعى 24 ەتنومادەني بىرلەستىكتىڭ جانىندا 12 جەكسەنبىلىك مەكتەپ جۇمىس ىستەيدى، سونىڭ ىشىندە وسى پولياك جەكسەنبىلىك مەكتەبى قازاقستان حالقى اسسامبلەياسىنىڭ ەڭ ۇزدىك جەكسەنبىلىك مەكتەبى رەتىندە اتالادى. بۇل مەكتەپتە جىل سايىن 50-دەن اسا بالا ءبىلىم الۋدا»، - دەدى مارتەبەلى مەيماندارمەن  كەزدەسۋ بارىسىندا استانا قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى ل.س. قۇسايىنوۆا.

گيمنازيانىڭ ءماجىلىس زالىندا وتكىزىلگەن مەرەكەلىك كونسەرتتە پولياك جانە قازاق تىلدەرىندە اندەر شىرقالىپ، ونى ورىنداعان وقۋشىلار جۇرتشىلىقتىڭ ىستىق ىقىلاسىنا بولەندى.