جاڭا عانا "قارابەتتەرمەن قالاي كۇرەسۋ كەرەك" دەگەن جازبا جاريالاپ ەدىم. سونى جاساۋ ءۇشىن، الىسقا بارۋدىڭ قاجەتى جوق. جاڭا تاريحىمىزداعى ءبىر مىسال ايتايىن. جاڭاوزەن قىرعىنىنان كەيىن الدەبىرەۋلەر ونى ۇمىتتىرۋ ءۇشىن "اتىن بەكەت-اتا قويالىق" دەپ جالپاڭداعاندار بولدى. سولاردىڭ بىرەۋىن جەرگىلىكتى قازاق قارابەت قىلدى. الدىنان كەلتىردى. شاقىرعان تويىنا بارمادى. سول وتىرعان جەرگە قوناققا بارمايتىن بولدى دەپ ەستىدىم. اقىرى بۇل دەياتەلدى استاناعا الىپ كەتتى. ادامدى تۇرمەسىز تۇرمەگە ءتۇسىرەتىن قوعامدىق پىكىر دەگەن وسى. بىزدەر ەرەكشە حالىقپىز عوي. تۋىسشىلمىز، كوپشىلمىز. قوناققا بارۋدى دا، شاقىرۋدى دا جاقسى كورەمىز. تويدان قالساق، تويعا شاقىرماسا رەنجيتىن حالىقپىز. قولدا بيلىك بولماسا دا قوعامدىق قاتىناستاردى وسى ارقىلى رەتتەپ وتىرعانبىز. سوزدەن، عايبات سوزدەن قورقاتىن، قاشاتىن حالىقپىز. "مىنا قارابەتپەن ءبىر داستارحاندا وتىرمايمىن" دەگەن ءبىر عانا ءسوز كەرەك سياقتى. سوعان جەتكىلىكتى نامىس قاجەت سياقتى، ار كەرەك سياقتى. ازىرگە وسىنىڭ ءوزى جەتكىلىكتى. ودان ارتىلىپ جاتساق، ءتىپتى جاقسى. تىعىرىقتان شىعاراتىن ءداستۇر دەگەنىمىز وسى شىعار.

(ايدوس سارىمنىڭ فەيسبۋكتەگى پاراقشاسىنان)