شۆەسياداعى ەسكيلستۋن قالاسىنداعى مەشىتكە بەلگىسىز بىرەۋلەر ءورت قويعان. سالدارىنان 5 ادام زارداپ شەكتى.
DW اگەنتتىگىنىڭ حابارلاۋىنشا وقيعا بەيسەنبى، ياعني روجدەستۆونىڭ العاشقى كۇنى ورىن العان. وقيعا كۋاگەرلەرىنىڭ ايتۋىنشا ءورت شىعار الدىندا مەشىت تەرەزەسىنە بەلگىسىز زاتتىڭ لاقتىرىلعانىن ايتقان. قۇلشىلىق ءۇيى كوپ قاباتتى ءۇيدىڭ ءبىرىنشى قاباتىندا ورنالاسقان. ءورتتىڭ سەبەبىنەن تۇرعىنداردى ۋاقىتشا تۇراققا اۋىستىرۋعا تۋرا كەلگەن. ءورت شىققان ساتتە 20 ادام پاتەرلەرىندە بولعان ەكەن. اۋرۋحاناعا تۇسكەن ادامدار ءتۇرلى دەنە جاراقاتىن العاندار مەن گاز يسىنەن ۋلانعاندار. جەرگىلىكتى پوليسەيلەردىڭ مالىمەتىنشە زارداپ شەككەندەردىڭ جاعدايى قالىپتى، ومىرلەرىنە ءقاۋىپ ءتونىپ تۇرعان جوق. قۇقىق قورعاۋ ورگاندارى زەرتتەۋ امالدارىن جۇرگىزگەنىمەن كۇدىكتىنى انىقتاي الماي وتىر.
شۆەسياداعى يسلام وداعىنىڭ ءتوراعاسى ومار مۋستافا SR راديوسىنا بەرگەن سۇحباتىندا جەرگىلىكتى حالىقتىڭ «مۇسىلماندارمەن قارىم-قاتىناستارى» قيىن جاعدايدا تۇرعانىن ايتتى.
