ءتوقتارالى تاڭجارىق پوەزياسى الەم نازارىندا

/uploads/thumbnail/20170708150850935_small.jpg

ءتوقتارالى تاڭجارىق ەسىمىن قازاق پوەزياسىندا ۇلكەن دە، كىشى دە بىلەرى انىق. بۇگىنگە دەيىن رەسپۋبليكالىق باسىلىمداردا ولەڭدەرى مەن ماقالالارى ۇزبەي جاريالانىپ كەلگەن اقىننىڭ وسىدان 4 جىل بۇرىن "جالىن" باسپاسىنان «ءتۇن پاراقتارى» اتتى شاعىن توپتاماسى جارىق كورگەن بولاتىن.

 تاياۋدا عانا ءبىر اعامىزدان «ەستىدىڭ بە، ءتوقتارالىنىڭ جيناعى ەۋروپادا جارىق كورەتىن بولىپتى» دەگەن حابار ەستىپ، اقىن اعامنىڭ وزىنە حابارلاسىپ ەم، «ءيا، سولاي بوپ قالدى» دەپ وتىر ازىلدەپ.

 بۇل دەگەن قۋانىش قوي! بۇكىل قازاق اقىندارى ءۇشىن قۋانىش!

 اقىن ولەڭدەرى «ەۋروپا اقىندارىنىڭ كونكۋرسى» اياسىندا پولياك تىلىندە پولشا ەلىنەن شىعاتىن بولىپتى. كىتاپ الداعى جىلدىڭ ناۋرىز ايىندا باسپادان شىعادى ەكەن. بۇكىل ورتا ازيادان تالدانعان ءبىر ەل، ءبىر اقىن. ءبىر ەل – قازاقستان دا، ءبىر اقىننىڭ توپتاماسى – ءتوقتارالى تاڭجارىققا بۇيىرىپتى. جازعان جىرىڭ الەم تىلدەرىندە سويلەپ تۇرسا، اقىن ءۇشىن مۇنداي قۋانىشتىڭ شەگى جوق ارينە.

 العاشىندا اقىننىڭ «ورتەلگەن مەشىت»، «ورمان»، «گۇل»، «يەك سۇيەۋ» قاتارلى جىرلارى اۋدارىلىپ، الدەبىر باسىلىمنان جارىق كورسە كەرەك. سوسىن اقىننىڭ وزىنە حابارلاسىپ، جيناعىن جولداپ بەرۋىن ءوتىنىپتى.

 بۇل كونكۋرس اياسىندا ەستونيا، ۆەنگريا، شۆەسيا، بولگاريالاردان دا ءبىر-بىر اقىننىڭ جيناعى باسپادان شىعۋ الدىندا.

 ەۋروپا ەلدەرىنىڭ تۇركى تانۋ ورتالىعىنىڭ جاۋاپتىسى گەنريح يانكوۆسكيي حابارلاسىپ، اقىندى 2014 جىلى پولشادا وتەتىن اقىندار فەستيۆالىنە قۇرمەتتى قوناق رەتىندە شاقىرىپ وتىر ەكەن.

 جورتقاندا جولىڭ بولسىن، قازاقتىڭ ايماڭداي ازاماتى، اقىن ۇلى!

 

اقىننىڭ "قامشى" پورتالىندا جاريالانعان ولەڭدەرىن مىنا ارادان وقي الاسىزدار. 

 http://qamshy.kz/؟p=1255

دايىنداعان: قايسار قاۋىمبەك ۇلى

پىكىر قالدىرۋ

قاتىستى ماقالالار