ءۇندىستاننىڭ مادحيا-پرادەش شتاتىنىڭ يندور قالاسىندا وتە سيرەك كەزىگەتىن ءارى اۋىر وتا جاسالدى. 7 جاسار ۆيۆەك ەسىمدى بالانىڭ 80 ءتىسىن وتا ارقىلى جۇلىپ تاستاعان. وتا جەرگىلىكتى «Maharaja Yeshwantrao» اۋرۋحاناسىندا جاسالعان.
كۇردەلى وتا 4 ساعاتقا سوزىلعان. دارىگەر بارات ماحەشۆاريدىڭ «The Times of India» تىلشىسىنە بەرگەن سۇحباتىندا ۆيۆەكتىڭ وسىندان 5 تاۋلىك بۇرىن اۋرۋحاناعا تۇسكەنىن ايتقان. ءتىس دارىگەرلەرى ۆيۆەكتىڭ جاق يەكتەرىندە تىستەردىڭ شامادان تىس مولشەردە ورنالاسقانىن بايقايدى. جاق قۋىسىنداعى ىسىكتى ءىرىڭنىڭ كولەمى 3،5-5 سم. دارىگەر انكيت حاسگيۆالا ۆيۆەكتىڭ دارىگەرلەردىڭ كومەگىنە دەر كەزىندە جۇگىنگەنىن ايتىپ وتىر. ەگەر بۇل جولى كەلمەگەندە ەندى 4 جىلدان سوڭ، 200 ءتىستى جۇلۋعا تۋرا كەلەتىن ەدى،»- دەيدى. ءقازىر ۆيۆەكتىڭ قانشا ءتىسى قالعاندىعى جاريالانباي وتىر.
ءدال وسىنداي وتا وسى جازدا مۋمباي قالاسىندا 17 جاسار اشيك گاۆاي ەسىمدى بوزبالاعا جاسالدى. گاۆايدىڭ سوندا 260 ءتىسىنىڭ 232 داناسىن وتا ارقىلى جۇلىپ تاستاعان بولاتىن.
