شقو اكىمى دانيال احمەتوۆ الدىمەن ۇلى وتان سوعىسىنىڭ ارداگەرى قابدۋ كارمەنوۆتىڭ ۇيىنە بارىپ، 97 جاستاعى ارداگەر-قاريانى قۇتتىقتادى. مارقاكول اۋدانىندا دۇنيەگە كەلگەن ارداگەر سوعىسقا دەيىن اۋىلدىق كەڭەستىڭ حاتشىسى قىزمەتىن اتقارعان. سوعىس كەزىندە بەلورۋسسيا، ۋكراينا دالاسىندا مايدانگەر بولىپ، بەرلينگە دەيىنگى جولدى ءجۇرىپ وتكەن. ەلگە ورالعاننان كەيىن ءااد ساباعىنان تالىمگەر بولىپ باستاپ، بوران سوۆحوزىندا باسشىلىق ەتكەن. قابدۋ قاريا سوعىسقا قاتىسقانى ءۇشىن ءى دارەجەلى وتان سوعىسىنىڭ وردەنى جانە «گەرمانياداعى جەڭىس ءۇشىن» مەدالىمەن بىرگە، بەيبىت ومىردە اتقارعان جەمىستى ەڭبەگى ءۇشىن «قۇرمەت بەلگىسىمەن» جانە لەنين وردەنىمەن ماراپاتتالعان. جۇبايى 94 جاستاعى زاكەن ساحانوۆامەن بىرگە 10 بالانى تاربيەلەپ ءوسىرىپ، 22 نەمەرە، 4 شوبەرەنىڭ قىزىعىن كورىپ وتىر. ەلباسىنىڭ ارداگەرلەرگە دەگەن ىقىلاسىنا ءتانتى بولعان قاريا مەملەكەت باسشىسىنىڭ ۇلى وتان سوعىسىنىڭ 70 جىلدىعى قارساڭىنداعى جاڭا جىلدىق قۇتتىقتاۋىنا العىسىن جەتكىزدى. «جالعىز 9 مامىردا عانا ەمەس، ءاردايىم ەلباسىنىڭ نازارىندا بولعانىمىز ءبىزدى شىن جۇرەكتەن قۋانتادى»، – دەدى ارداگەر قاريا. وسىدان كەيىن ءوڭىر باسشىسى سوعىس ارداگەرلەرى تاتيانا پيمەنوۆا، دميتريي موسكالسوۆ، نادەجدا كولوبوۆانىڭ ۇيىنە بارىپ، ەلباسىنىڭ قۇتتىقتاۋىن تابىستادى. قۇتتىقتاۋ حاتپەن قاتار، ارداگەرلەردىڭ بارلىعىنا ەلباسىنىڭ ءومىربايانى تۋرالى كىتاپ، مەرەكەلىك داستارحانعا ارنالعان سەبەت تولى سىي-سياپات پەن «ايپاد» تابىس ەتىلدى. وبلىس اكىمىمەن بولعان سۇحبات بارىسىندا ارداگەرلەر مەملەكەت باسشىسىنا دەگەن قۇرمەتتىڭ ەرەكشە ەكەنىن ايتىپ، جاسالىپ وتىرعان قامقورلىققا العىستارىن ءبىلدىردى. «كوشباسشىمىزدىڭ ارداگەرلەرگە كوڭىل ءبولىپ، ارنايى قۇتتىقتاۋ جولداپ وتىرعانى ءبىزدى ەرەكشە تەبىرەنتتى. كوپ ۇلتتىڭ باسىن بىرىكتىرىپ، بىرەگەي مەملەكەت قۇرىپ وتىرعان نۇرسۇلتان ءابىش ۇلىنىڭ ەڭبەگى ەرلىكپەن پارا-پار. ءبىز ەلباسىمىزعا شەكسىز العىسىمىزدى بىلدىرەمىز»، − دەدى دميتريي موسكالسوۆ. بۇدان وزگە وبلىس اكىمىنىڭ ورىنباسارلارى مەن قالا، اۋدان اكىمدەرى ءوڭىردىڭ بارلىق اۋداندارى مەن قالالارىندا تۇراتىن 642 ارداگەردىڭ شاڭىراعىنا بارىپ، ەلباسىنىڭ مەرەكەلىك قۇتتىقتاۋىن تابىستادى.