الماتىداعى رەسپۋبليكا سارايىندا 2017 جىلدىڭ 10 جەلتوقسانىندا  استانانىڭ 20 جىلدىعىنا ورايلاستىرىلعان «استانا – ارداعىم» اتتى ءىس-شارادا سىيلىقتار تاپسىرۋدىڭ سالتاناتتى ءراسىمى وتەدى، دەپ جازادى Qamshy.kz اقپارات اگەنتتىگى. 

«استانا – ارداعىم» مەرەكەلىك سىيلىعىمەن  استانانىڭ قالىپتاسۋىنا ۇلەس قوسقان جانە پرەزيدەنتتىڭ ەلىمىزدىڭ باس قالاسىن كوشىرۋ تۋرالى شەشىمىنە بارىنشا قولداۋ كورسەتكەن، ءومىرىنىڭ باسىم بولىگىن الماتى قالاسىندا وتكىزگەن الماتىلىقتار مەن قايراتكەرلەر ماراپاتتالادى.

سىيلىق 20 نوميناسيا بويىنشا بەلگىلەنگەن، ولار: ءبىلىم مەن عىلىم، ساۋلەت پەن قۇرىلىس، دەنساۋلىق ساقتاۋ، سپورت، ونەر كينەماتوگرافيا، جۋرناليستيكا، ادەبيەت سالالارى، شارا بىرنەشە كەزەڭدەردەن تۇرادى، ياعني نومينانتتار ۇسىنىلادى، قالالىقتار ەلەكتروندى تۇردە داۋىس بەرەدى ونىڭ قورىتىندىسى بويىنشا مارەگە 20 فيناليست شىعادى، جەڭىمپازدار ماراپتتالادى.

ىرىكتەۋ كونكۋرستىق كوميسسيانىڭ قاتىسۋىمەن  ينتەرنەت ارقىلى اشىق داۋىس بەرۋمەن بيىلعى جىلدىڭ 1 جەلتوقسانىنان باستاپ  جۇمىسىن باستايتىن ارنايى سايتتا 2017 جىلدىڭ 5-8 جەلتوقسان ارالىعىندا  جۇزەگە اسادى.

شارانى 10 جەلتوقساندا وتكىزۋ تەككە الىنىپ وتىرعان جوق، ويتكەنى 1997 جىلدىڭ  ءدال وسى كۇنى - 10 جەلتوقساندا مەملەكەت باسشىسىنىڭ شەشىمىمەن استانانى  رەسمي كوشىرۋ باستالعان بولاتىن.

ايتا كەتەرلىگى،«استانا – ارداعىم» سىيلىعى 2018 جىلدىڭ 6 شىلدەسىنە دەيىن استانانىڭ مەرەيلى مەرەكەسىنە وراي وتەتىن القالى شارالاردىڭ العاشقىسى بولىپ سانالادى.