جۇما كۇنى بەيجىڭ قالاسىنىڭ سوتى تانىمال اكتەر دجەكي چاننىڭ بالاسىنا التى ايعا تۇرمەگە قاماۋ جازاسىن شىعاردى. جەلتوقسان ايىندا پروكۋراتۋرا 32 جاستاعى دجەيسي چانعا ەسىرتكى پايدالانعانى ءۇشىن ايىپ تاققان بولاتىن.
ول سوت ۇكىمىمەن التى ايعا تۇرمەگە قامالىپ، ەكى مىڭ يۋان ياعني 320 اقش دوللارى كولەمىندە ايىپپۇل تولەيتىنى بەلىگىلى بولدى.
فان سزۋمين ەسىمىمەن بەلگىلى دجەيسي چان قىركۇيەكتە بەيجىڭدە ءوزىنىڭ دوسى - ءتايۆاننىڭ تانىمال اكتەرى، 23 جاستاعى كە چجەندۋنمەن بىرگە قولعا ءتۇستى. ولاردى ەسىرتكىگە تەستىلەۋ وڭ قورىتىندى بەردى.
پوليسيا دجەيسيدىڭ پاتەرىن تەكسەرىپ، ىشىنەن 100 گرامم ماريحۋانا تاپقان.
2009 جىلى دجەكي چان قىتايدىڭ ەسىرتكىمەن كۇرەس بويىنشا ۇلتتىق كوميتەتىنىڭ ءتوراعاسى بولىپ تاعايىندالدى، ونىڭ مىندەتى - ەلدەگى ەسىرتكىگە قارسى كۇرەستى جانداندىرۋ.
وسى وقيعاعا بايلانىستى ول ۇلىنىڭ ارەكەتتەرى ءۇشىن جاۋاپكەرشىلىكتى ءوز موينىنا الاتىنىن ءمالىم ەتتى.
"قازاقپارات"
