بۇگىن 82 جاسقا قاراعان شاعىندا اكادەميك مۇحتار الييەۆ دۇنيەدەن ءوتتى، دەپ حابارلايدى "نوۆوستي-كازاحستان" اگەنتتىگى.
 |
|
مۇحتار الييەۆ |
عالىمنىڭ دۇنيەدەن وتكەنى تۋرالى اقپاراتتى ا.ن. سىزعانوۆ اتىنداعى ۇلتتىق عىلىمي حيرۋرگيالىق ورتالىقتىڭ ماماندارى حابارلاعان.
ورتالىقتىڭ مالىمەتتەرىنە قاراعاندا، عالىم 12-قاڭتار كۇنى تاڭەرتەڭ كوز جۇمعان.
مۇحتار الييەۆ 1933 جىلى 2 اقپاندا قىزىلوردا وبلىسىندا دۇنيەگە كەلگەن. الماتى قالاسىنداعى مەديسينالىق ينستيتۋتتى بىتىرگەن. ءتۇرلى مەديسينالىق مەكەمەلەردە حيرۋرگ بولىپ ەڭبەك ەتكەن.
1982-1987 جىلدارى قازاق ءسسر-نىڭ دەنساۋلىق ساقتاۋ ءمينيسترى بولىپ قىزمەت ەتتى. كەيىننەن عىلىمي ورتالىقتاردا باسشىلىق قىزمەتتەردى اتقاردى.
2008 جىلدىڭ ناۋرىزىندا مۇحتار الييەۆ اۆسترياعا ەمدەلۋ ءۇشىن اتتانعان بولاتىن. اكادەميككە قارسى قازاقستاندا "قارۋدى زاڭسىز ساقتاۋ" بابى بويىنشا ايىپ تاعىلدى.
ونىڭ اۆستريادان ەلگە قايتۋىنا ءبىرقاتار ساياساتكەرلەر مەن جۋرناليستەر توبىنىڭ جازعان ۇندەۋى سەبەپ بولدى.
2008 جىلدىڭ ناۋرىزىنان 2009 جىلدىڭ قازانىنا دەيىن اكادەميك ۆەنادا، كەيىن لوندوندا تۇردى. الايدا 2008 جىلدىڭ 4 مامىرىندا ول ۆەناداعى قازاقستاننىڭ ەلشىلىگىنە ەرىكتى تۇردە كەلىپ، ءوز بالاسى راحات الييەۆ ونى اۆستريادا كۇشتەپ ۇستاپ تۇرعانىن مالىمدەدى.
2008 جىلدىڭ 5 مامىرىندا ول ءوز ەركىمەن ەلشىلىك اۋماعىن تاستاپ، انگلياعا كەتتى.
2009 جىلى قازاقستانعا ورالعان بولاتىن.
