«لاتىن الىپبيىنە كوشۋ قازاق ءتىلىن ايگىلەپ قانا قويماي، كوكجيەگىن دە كەڭەيتەدى. مەن باسقا ەلدەرگە بارعاندا قانشاما قازاق دياسپوراسىنىڭ اقپارات الۋدا كەدەرگىلەرگە تاپ بولاىپ جاتقاندىعىن كوردىم» دەيدى «نۇر وتان» حدپ حاتشىسى ەرلان قارين «امانات» ينتەللەكتۋالدىق كلۋبىنىڭ كەزەكتى وتىرىسىندا.  

«نۇر وتان» حاتشىسىنىڭ ايتۋىنشا، قازاق ءتىلى لاتىن الىپبيىنە كوشكەن كەزدە اۆتوماتتى تۇردە اقپاراتتىق كەڭىستىگى كەڭەيە تۇسەدى. جۇڭگو، تۇركياداعى جانە باسقا جاقتاعى قازاق جاستارىنا جول اشىلادى دەپ وتىر.

«ءبىز بۇل ماسەلەنى بۇرىن دا كوتەردىك. ءبىراق، تەك پايدالى، پايداسىز قىرلارىن عانا الىپ كەلدىك. ەندىگى رەتتە، ناقتى ءبىر شەشىمگە كەلەتىن بولامىز. ەلباسى جولداۋىندا 2025 جىلدان باستاپ لاتىن الىپبيىنە كوشۋدى باستاۋ كەرەكتىگىن ايتتى. ايتسە دە، مەملەكەت باسشىسى بۇل باستامانى وسى ساتتەن باستاپ قولعا الۋ كەرەكتىگىن مەڭزەدى» دەيدى ە.قارين.