2019 جىلدان باستاپ جاراتىلىستانۋ سيكلىندەگى "حيميا"، "فيزيكا"، "ينفورماتيكا"، "بيولوگيا" پاندەرىنىڭ ەكەۋىن جوعارى سىنىپتاردا اعىلشىن تىلىندە وقىتۋ جوسپارلانعان، دەپ حابارلايدى Qamshy.kz اقپارات اگەنتتىگى ortcom.kz -كە سىلتەمە جاساي وتىرىپ.
بۇل تۋرالى ورتالىق كوممۋنيكاسيالار قىزمەتىندە وتكەن «ينفورماتيكا»، «فيزيكا»، «حيميا»، «بيولوگيا» پاندەرى مۇعالىمدەرىنىڭ بىلىكتىلىگىن جوعارىلاتۋ كۋرستارىنان وتۋگە قاتىستى باسپا ءسوز ءماسليحاتىندا ايتىلدى.
باسپا ءسوز كونفەرەنسياسىنا ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا، نازاربايەۆ ۋنيۆەرسيتەتىنىڭ ستۋدەنتتىك ىستەر جانە حالىقارالىق ىنتىماقتاستىق جونىندەگى ۆيسە-پرەزيدەنتى كاديشا دايروۆا، نازاربايەۆ ۋنيۆەرسيتەتىنىڭ ءبىلىم كوشباسشىلىعى ورتالىعىنىڭ ءبىلىم بەرۋ ىستەرى جونىندەگى ديرەكتور ورىنباسارى اسەل مۋحامەتجانوۆا جانە ءبىلىم كوشباسشىلىعى ورتالىعىنىڭ بىلىمدىك جانە كاسىپتىك باعدارلامالار دەپارتامەنتىنىڭ باسشىسى لاۋرا قاراباسوۆا قاتىستى.
«نبو-دا 4 ءپان بويىنشا بارلىعى 31928 ءمۇعالىم بار. ونىڭ 62%-ى اۋىل مۇعالىمدەرى، قالا بويىنشا – 38%-دى قۇرايدى. 2 جىل ىشىندە رەسپۋبليكالىق بيۋدجەت ەسەبىنەن 12179 ءمۇعالىم ءتىل كۋرستارىنان ءوتتى. ونىڭ 750ء-ى 2016 جىلى وقىتىلسا، بيىل 11429-ى ءتىل كۋرستارىنان ءوتتى. ياعني جالپى 40%-ىن قامتىدى»، – دەيدى ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا
بۇل تۋرالى "ينفورماتيكا"، "فيزيكا"، "حيميا"، "بيولوگيا" پاندەرى مۇعالىمدەرىنىڭ بىلىكتىلىكتى جوعارىلاتۋ كۋرستارىنان وتۋگە قاتىستى وتكەن باسپا ءسوز ءماسليحاتىندا ايتىلدى.
قازىرگى ۋاقىتتا ءتىل كۋرستارى نازاربايەۆ ۋنيۆەرسيتەتى، نازاربايەۆ زياتكەرلىك مەكتەپتەرى، "ورلەۋ"، "USTAZ Professional Learning Centre" ج ش س، "Astana School of Business and Technology" ج ش س، "استانا ءبىلىم ورداسى" ج ش س قاتارلى التى ۇيىمدا وتكىزىلىپ جاتىر.
"حالىقارالىق ەمتيحانداردى تاپسىرعان جانە وقۋ باعدارلامالارىن اعىلشىن تىلىندە وتكىزىپ جاتقان ءپان مۇعالىمدەرى ءۇشىن 2017 جىلدىڭ 1 قىركۇيەگىنەن باستاپ نەگىزگى لاۋازىمدىق قىزمەتاقىدان 200% كولەمىندە قوسىمشا تولەم تولەنەدى"، – دەدى دەپارتامەنت باسشىسى.
