الماتىدا ينجەنەرلىك جەلىلەر قايتا جاسالعان سوڭ وڭتۇستىك-شىعىس قازاندىعى جاڭاردى.

الماتى اكىمى باۋىرجان بايبەك جۇمىس ساپارى بارىسىندا «الماتى جىلۋكوممۋنەنەرگو» ءجشس-نىڭ جەرگىلىكتى بيۋدجەت ەسەبىنەن قايتا جاڭارعان اۋداندىق وڭتۇستىك-شىعىس قازاندىعىن قاراپ شىقتى. مودەرنيزاسيا بارىسىندا قازاندىقتىڭ جىلۋ قۋاتى 25%-عا ارتتى، قالا تۇرعىندارىنىڭ پاتەرلەرىنە جىلۋ تۇراقتى بەرىلىپ، جاڭا ابونەنتتەردىڭ قوسىلۋى قامتاماسىز ەتىلدى.

الماتىدا بيىلعى جاز ماۋسىمىندا ينجەنەرلىك جەلىلەردى قايتا جاساۋ مەن سالۋ بارىسىندا اۋقىمدى جۇمىستار جۇرگىزىلدى، ناتيجەسىندە جالپى ۇزىندىعى 761،3 كم ينجەنەرلىك جۇيە جاڭاردى، ونىڭ ىشىندە 313 كم. سۋ، 266 كم. كارىز قۇبىرلارى مەن 150 كم. ەلەكتر جانە 32،3 كم. جىلۋ جەلىلەرى قايتا جاسالدى.

سۋمەن قامتاماسىز ەتۋ جانە سۋدان ءبولۋ جەلىلەرىن مودەرنيزاسيالاۋ بارىسىندا قۇبىرلاردىڭ توزۋى 3%-عا، اپات 4%-عا، شىعىن 5،2%-عا ازايدى.قالانىڭ 11 مىڭنان استام تۇرعىنى سۋمەن قامتۋدىڭ ورتالىقتاندىرىلعان جۇيەسىنە قوسىلدى.

قالانىڭ وڭتۇستىك-شىعىس قازاندىعىن كۇردەلى جوندەۋدەن وتكىزۋ گيدراۆليكالىق شىعىندى ازايتتى، كاسىپورىن قۋاتىن 168 دەن 208 گكال/ساعاتقا ارتتىردى، تۇتىنۋشىعا جىلۋ بەرۋ ساپاسى ارتتى، سونىڭ اكرقاسىندا 40 كوپپاتەرلى تۇرعىن ۇيلەر جىلۋ جەلىسىنە قوسىلدى.

«1979 ىسكە قوسىلعان قازاندىققا العاش رەت اۋقىمدى رەكونسترۋكسيا جاسالدى. ءبىر جىل بويىنا اتقارىلعان جۇمىسقا 3 ملرد. تەڭگە ءبولىندى. قازاندىقتىڭ سۋىتاتىن قۇبىرى، باقىلاۋ- ولشەۋ قوندىرعىلارى، اۆتوماتيكا، سۋدى حيميالىق تازالاۋ جابدىقتارى تۇگەل جاڭاردى. جيىلىكتى رەتتەيتىن ەنەرگوسىيىمدى جەلى ناسوستارىن اۋىستىرۋ ەلەكتر ەنەرگياسىن ۇنەمدەۋگە قول جەتكىزدى»، - دەپ باياندادى قالا اكىمىنە ەنەرگەتيكا باسقارماسىنىڭ باسشىسى ەرمەك ۇسەنبايەۆ.

بۇگىنگى كۇنى وڭتۇستىك-شىعىس قازاندىعى 70 مىڭنان استام پاتەرگە، 700 زاڭدى تۇلعاعا قىزمەت كورسەتەدى، قالا جىلۋىنىڭ 9%-عا جۋىعىن بەرەدى. قازاندىق گازبەن جۇمىس ىستەيدى، اۋاعا تەك قىزعان بۋ عانا شىعارىلادى.

ايتا كەتەيىك، الماتى قالاسىندا بيىلعى جاز ماۋسىمىندا ينجەنەرلىك جەلىلەردى قايتا جاساۋ مەن سالۋ بارىسىندا اۋقىمدى جۇمىستار جۇرگىزىلگەن بولاتىن. ناتيجەسىندە، جالپى ۇزىندىعى 761،3 شاقىرىم ينجەنەرلىك جۇيە جاڭاردى. ونىڭ ىشىندە، 313 شاقىرىم سۋ، 266 شاقىرىم كارىز قۇبىرلارى مەن 150 شاقىرىم ەلەكتر جانە 32،3 شاقىرىم جىلۋ جەلىلەرى قايتا جاسالدى.

قالالىق اكىمدىكتىڭ مالىمەتىنە سۇيەنسەك، سۋمەن قامتاماسىز ەتۋ جەلىلەرىن مودەرنيزاسيالاۋدان كەيىن قۇبىرلاردىڭ توزۋى 3%-عا، اپات 4%-عا، شىعىن 5،2%-عا ازايعان. قالانىڭ 11 مىڭنان استام تۇرعىنى سۋمەن قامتۋدىڭ ورتالىقتاندىرىلعان جۇيەسىنە قوسىلعان.