سارسەنبىدە يراننىڭ شىعىسىندا ماگنيتۋداسى 6،1 بالدىق جەر سىلكىنىسى بولدى. بۇل تۋرالى ەۋروپا-جەرورتا تەڭىزى سەيسمولوگيالىق ورتالىعى حابارلادى، دەپ جازادى Qamshy.kz اقپارات اگەنتتىگى.
ورتالىقتىڭ مالىمەتىنە سۇيەنسەك، جەر سىلكىنىسىنىڭ وشاعى يراندىق كەرمان قالاسىنان شىعىس باعىتتا 63 شاقىرىم جەردە بولعان. تەرەڭدىگى – 10 شاقىرىم.
اپاتتان قيراعان عيماراتتار مەن زارداپ شەككەن ادامدار تۋرالى دەرەك جوق.
سەيسەنبى كۇنى كەرمان پروۆينسياسىندا بولعان 5،7 بالدىق جەر سىلكىنىسىنىڭ سالدارىنان 18 ادام زارداپ شەككەن.
