16 جەلتوقساندا «الماتى ارەنا» ستاديونىندا قازاق كۇرەسىنەن «ەۋرازيا بارىسى» الەم كۋبوگى وتەدى دەپ حابارلايدى Qamshy.kz اقپارات اگەنتتىگى. بيىل «ەۋرازيا بارىسىنا» برازيليا، جاپونيا جانە كامەرۋن ەلدەرى تۇڭعىش رەت قاتىسادى. ال، بىرنەشە رەت جۇلدەگەرلەر قاتارىنان تابىلعان موڭعوليا مەن گرۋزيا كوماندالارى قازاق كۇرەسىنەن تاجىريبەلەرى مول. سونىمەن قاتار، جارىسقا وزبەكستان، تۇركيا جانە قازاقستاننىڭ قوس كومانداسى ب ا ق سىنايدى.

قازاقستان نامىسىن قورعايتىن بالۋاندار: ايبەك نۇعىماروۆ، داۋىلباي وسپان، قۋانىش ىسقاقوۆ، باقداۋلەت ءسابيتوۆ، ايدوس عالىموۆ، ەرسۇلتان مۇزاپپاروۆ، بەكزات احمەتبەكوۆ، اسىل بارمەنوۆ، ەرلان ەستەك. سونداي-اق، داۋلەت نيەتباي، ەرجان ماعاۋينوۆ، قاسىمحان تولەنباي، امانكەلدى تولەمىسوۆ، ساحان ءابدىقاسىم، سايات شامشييەۆ، ۆيكتور دەميانەنكو، رۋسلان ءابدىرازاقوۆ، عاني كەلدىقۇلوۆ.

بۇعان دەيىن حالىقارالىق تۋرنير رەتىندە وتكەن جارىس بەسىنشى رەت جالاۋىن جەلبىرەتپەك. ءۇش جىل تاراز قالاسىندا ۇيىمداستىرىلعان  «ەۋرازيا بارىسى» بيىل ەكىنشى رەت وڭتۇستىك استانادا وتكىزىلەدى. جىل سايىن جارىسقا گرۋزيا، موڭعوليا، رەسەي، پولشا، تۇركيا، قىرعىزستان تاعى باسقا كوپتەگەن ەلدىڭ بىلەكتى بالۋاندارى ب ا ق سىناپ كەلەدى. سونىڭ ىشىندە قازاقستان قۇراماسى اتالعان كوماندالىق جارىستا ءۇش رەت توپ جاردى، تەك 2014 جىلى عانا موڭعوليا قۇراماسى قارسىلاس شاق كەلتىرمەدى.

 ايتا كەتەيىك، «ەۋرازيا بارىسى» الەم كۋبوگى – كوماندالىق سايىس. ءار كوماندادا سەگىز بالۋاننان كۇرەسەدى. سپورتشىلار 55، 60، 66، 74 ، 82، 90، 100 جانە +100 كەلى سالماق دارەجەسى بويىنشا مىقتىنى انىقتايدى.

           «QAZAQSTAN» ۇتا ساعات 13:00-دە ال، «QAZSPORT» تەلەارناسى 12:45-تە تىكەلەي ەفيردە كورسەتەدى.