الماتى قالاسى اۋەزوۆ اۋدانىندا بوس جۇمىس ورىندارى مەن مەملەكەتتىك قىزمەتتەر جارمەڭكەسى بولىپ ءوتتى، دەپ حابارلايدى Qamshy.kz اقپارات اگەنتتىگى.

اتالمىش جارمەڭكە 2017 جىلدىڭ 12 جەلتوقسانىندا «Grand Park» ويىن-ساۋىق ورتالىعىندا 10:00 – 18:00 ارالىعىندا بولدى.

بۇل ءىس-شارانى الماتى قالاسى بويىنشا مەملەكەتتىك قىزمەت پەن جەمقورلىققا قارسى دەپارتامەنت باسشىلىعى اۋەزوۆ اۋدانى اكىمدىگىمەن بىرلەسە وتىرىپ  ۇيىمداستىرعان بولاتىن.  

جارمەڭكەنىڭ نەگىزگى ماقساتى ەلەكتروندى مەملەكەتتىك قىزمەتتى دارىپتەۋ مەن مەملەكەتتىك قىزمەتتى ۇسىنۋدىڭ رەتى مەن «ەلەكتروندى ۇكىمەت» پورتالى، «ازاماتتار ارنالعان ۇكىمەت» اتتى كورپوراسيادان قىزمەت الۋدىڭ ارتىقشىلىعىن ءتۇسىندىرۋ.

جارمەڭكەگە قاتىسقان ءاربىر ازامات كاسىبي دەڭگەيدە كەڭەس الىپ، جەرگىلىكتى اتقارۋشى ورگانداردىڭ كومەگىنە جۇگىنۋ مۇمكىندىگىنە يە بولدى.

سونىمەن بىرگە جارمەڭكەگە قاتىسقان ءاربىر ازامات وزىنە ۇسىنىلعان جۇمىسپەن تانىسا الادى. جالپى ايتقاندا، الماتى قالاسى بويىنشا، 48 مەملەكەتتىك ورگان قىزمەت كورسەتسە، جالپى قىزمەت كورسەتۋ سانى 353-كە جەتكەن.

بۇگىندىككە مەملەكەتتىك كورپوراسيا ارقىلى جانە «ەلەكتروندى ۇكىمەت» ارقىلى جاسالعان قىزمەت بۇكىل مەملەكەتتىك قىزمەتتەردىڭ 60 %-ىن قۇرايدى.

اتالعان جارمەڭكەدە 21 مەملەكەتتىك ورگان، 4 ۇكىمەتتىك ەمەس ۇيىمدار، ولاردىڭ قاتارىندا ۇلتتىق كاسىپكەرلەر پالاتا «اتامەكەن»، «دامۋ»، «جيلسترويسبەربانك»، «گفسس» ارحيتەكتۋرا مەن دەنساۋلىق ساقتاۋ، ءبىلىم بەرۋ، ازاماتتىققا تىركەلۋ جانە جەر تىلىمىنە قاتىستى سالالارعا بايلانىستى قىزمەت كورسەتتى.

بۇگىن جارمەڭكەگە 1684 ادام مەملەكەتتىك قىزمەتكە بايلانىستى ءتۇرلى سۇراقتارمەن كەلسە، بوس جۇمىس ورنىنا قاتىستى سۇراقتارمەن كەلگەن 231 ازاماتقا قىزمەت كورسەتىلدى.

كاسىبي دەڭگەيدەگى كەڭەس الۋ ماقساتىمەن مەملەكەتتىك ورگانداردا اقپاراتتىق ۆيدەو روليكتەر مەن تاراتىلاتىن ماتەريالدارداعى اقپاراتتار جەتىلدىرىلدى.

جارمەڭكەگە قاتىسۋشىلارعا ەلەكتروندى ساندىق قولتاڭبا الۋ مۇمكىندىگى ۇسىنىلىپ، ءبىر ۋاقىتتا بىرنەشە ەلەكتروندى قىزمەت تۇرلەرى تانىستىرىلدى.

ال ۇيدەن شىقپاي  ءوز بەتىمەن جۇمىستارىن اياقتاپ، ۋاقىتتى ۇنەمدەگىسى كەلگەندەر ءۇشىن 15 مينۋتتىڭ ىشىندە ەلەكتروندى ساندىق كىلتتى الۋ مۇمكىندىگى ۇسىنىلدى.

نەگىزىنەن كوپشىلىك ازاماتتىق الۋعا بايلانىستى اقپاراتتارعا قىزىعىپ، وسىعان قاتىستى سۇراقتاردى قويدى. سونىمەن بىرگە جەر تەلىمىنە بايلانىستى سۇراقتار وتە كوپ بولدى.

اتالعان شاراعا جەرگىلىكتى ب ا ق وكىلدەرى دە قاتىسىپ، وزدەرىنە قاجەتتى ساۋالدارعا جاۋاپ تابا الدى.

ايتا كەتەتىن بولساق، اتالعان جارمەڭكە الماتى قالاسىنداعى باسقا دا اۋدانداردا وتەتىن بولادى. جاقىن ارادا بوستاندىق اۋدانىندا اۋدانىندا ءدال وسىنداي جارمەڭكە وتەدى دەپ جوسپارلانىپ وتىر.