12ء-شى جەلتوقسان كۇنى الماتى قالاسىنىڭ اكىمشىلىگىنىڭ ءدىن ىستەرى جونىندەگى باسقارماسىنىڭ جانە «ساراپتاما جانە زەرتتەۋ ورتالىعىنىڭ» قاتىسۋىمەن ءاقپاراتتىق-تۇسىندىرۋ توبىنىڭ مۇشەلەرىنە ارنالعان دوڭگەلەك ۇستەل ءوتتى.

ءىس-شاراعا عالىمدار، ءدىني بىرلەستىك وكىلدەرى (قمدب، وپش، ركش)، مەملەكەتتىك ورگان باسشىلارى، ساراپشىلار قاۋىمداستىعى، ۇكىمەتتىك ەمەس ۇيىمدار وكىلدەرىنەن قۇرالعان ءاقپاراتتىق-تۇسىندىرۋ توبىنىڭ مۇشەلەرى قاتىستى.

شارا بارىسىندا، ءدىني بىرلەستىك وكىلدەرى، مەملەكەتتىك ورگاندار مەن ساراپشىلار جىلدى قورىتىندىلاپ، وتكىزىلگەن شارالاردىڭ تيىمدىلىگىن تالقىلاي وتىرىپ، جۇمىس ساپاسىن جاقسارتۋ بويىنشا ۇسىنىستار ەنگىزدى. قالالىق جانە اۋداندىق اتت-ىن دامىتۋدىڭ بولاشاق جوسپارلارى تالقىلاندى.

بۇگىنگى تاڭدا، كۇن تارتىبىندەگى ەڭ وزەكتى جانە ماڭىزدى ماسەلەلەردىڭ ءبىرى حالىق اراسىندا ءدىني ەكسترەميزم دەسترۋكتيۆتى جانە ءقاۋىپتى يدەولوگياسىنىڭ تارالۋى بولىپ وتىر.

الماتى قالاسىنىڭ ءدىن ىستەرى جونىندەگى باسقارماسىنىڭ «ساراپتاما جانە زەرتتەۋ ورتالىعى» دەسترۋكتيۆتى يدەولوگيانىڭ تارالۋىن الدىن الۋ، ءدىني ەكسترەميزم مەن تەرروريزمگە قارسى جىل بويى كوپتەگەن ءىس-شارالار وتكىزۋ ماقساتىندا 8 اۋداندىق جانە 1 قالالىق ءاقپاراتتىق-تۇسىندىرۋ توپتارى قۇرامىنىڭ ساپالى بولۋىنا ايتارلىقتاي وڭ اسەرىن تيگىزدى. ولاردىڭ قۇرامىنا ءدىنتانۋ، مادەنيەتتانۋ، تاريح، ساياساتتانۋ، تەولوگيا، زاڭ سالاسىنداعى جەتەكشى ساراپشىلار ەنگىزىلگەن. اتت مۇشەلەرىنىڭ جالپى سانى 110 ادامدى قۇرادى.

بۇل توپتار ءار ءتۇرلى فورماتتاعى 500 ءىس-شارانىڭ جۇزەگە اسۋىنا ات سالىستى. اتاپ ايتساق: 200 ءدارىس، 200 كەزدەسۋ، 50 سۇحبات، 20 سەمينار جانە 30 ناۋقان. جالپى 500 ءىس-شارادا قالانىڭ 80 مىڭنان استام تۇرعىندارى قامتىلعان.

كەزدەسۋدى ۇيىمداستىرعان الماتى قالاسى ءدىن ىستەرى جونىندەگى باسقارماسىنىڭ «ساراپتاما جانە زەرتتەۋ ورتالىعى».