بۇگىن ءال-فارابي اتىنداعى قازۇۋ-دا قازاقستان رەسپۋبليكاسى ءبىرىنشى پرەزيدەنتى كۇنىنە ارنالعان «مەن جاستارعا سەنەمىن!» ستۋدەنت جاستاردىڭ V رەسپۋبليكالىق پاتريوتتىق GALA-فورۋمى ءوتتى.
ايتا كەتەر بولساق، فورۋم ق ر ءبىلىم جانە عىلىم مينيسترلىگى، الماتى قالاسى اكىمدىگىنىڭ قولداۋىمەن ءوتىپ جاتىر. سونداي-اق، شارانى قازۇۋ-مەن قاتار «جاس وتان» جاستار قاناتى، «جاندانۋ الەمى» قورى، «جازۋشىلار وداعى»، مەن قازاق راديوسى بىرلەسە ۇيىمداستىرىپ وتىر.
قازىرگى ۋاقىتتا جاستاردى دامىتۋعا بارلىق جاعداي جاسالعان. مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ»اتتى باعدارلامالىق ماقالاسىندا ۇسىنىلعان رۋحاني جاڭعىرۋ ۇدەرىسىنىڭ ماڭىزدى بولىگى جاستار اراسىندا وتانسۇيگىشتىك، ءوز جەرىنە، ءوز اۋىلىنا، قالاسىنا، ايماعىنا دەگەن سۇيىسپەنشىلىكتى قالىپتاستىرۋعا باعىتتالعان.
ءبىز ەلىمىزدىڭ بارلىق جەتىستىكتەرىن ەلباسى – تۇڭعىش پرەزيدەنت نۇرسۇلتان نازاربايەۆتىڭ ەسىمىمەن بايلانىستىرامىز. سول سەبەپتى بولار، تۇڭعىش پرەزيدەنت كۇنى بارلىق قازاقستاندىقتار ءۇشىن ايتۋلى كۇنگە اينالدى.
وسى مەرەكەگە وراي ءبىزدىڭ ۋنيۆەرسيتەت «مەن جاستارعا سەنەمىن!» اتتى رەسپۋبليكالىق پاتريوتتىق فورۋمىن ۇيىمداستىردى. بيىل بەسىنشى فورۋم وتكىزىلىپ وتىر. ونىڭ باستى ماقساتى – ستۋدەنت جاستاردىڭ وتانشىلدىعىن، ازاماتتىق جاۋاپكەرشىلىگىن ارتتىرۋ.
فورۋم باعدارلاماسى اياسىندا 4 بايقاۋ وتكىزىلدى:
«ەلىمىزدىڭ يننوۆاسيالىق دامۋىنا مەنىڭ قوسقان ناقتى ۇلەسىم» اتتى يننوۆاسيالىق جوبالار بايقاۋى؛
«مەن مەملەكەتىمنىڭ گۇلدەنۋى ءۇشىن نە ىستەي الامىن؟» اتتى ەسسە بايقاۋى؛
«مەن جاستارعا سەنەمىن!» اتتى ستۋدەنتتىك ازاماتتىق-پاتريوتتىق باعىتتاعى پوەزيالىق شىعارمالار؛
«ماڭگىلىك ەل مۇراتىم!» پاتريوتتىق اندەر بايقاۋى.
ۇيىمداستىرۋشىلار القاسىنا رەسپۋبليكامىزدىڭ 69 جوعارى وقۋ ورنى ستۋدەنتتەرىنەن 2000-عا جۋىق جۇمىستار كەلىپ ءتۇستى. ولاردىڭ ىشىنەن ەڭ ۇزدىك 58 ۋنيۆەرسيتەتتەن 400 اۆتور گالا-فورۋمعا شاقىرۋ الدى.
رەسپۋبليكالىق «مەن جاستارعا سەنەمىن» كونكۋرسىنىڭ ىرىكتەۋ كوميسسياسى جۇمىسىنىڭ قورىتىندىسى:
1-ورىن
نۇقى جامبىل چوكانباي ۇلى – – م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى، (ماماندىعى – «قازاق ءتىلى مەن ادەبيەتى»)
2-ورىن
ءقۇرمانالى جازيرا حايروللا قىزى – س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتى، (ماماندىعى – «مەنەدجمەنت»)
3-ورىن
ابىلاي عاليا ارحات قىزى – تاراز مەملەكەتتىك پەداگوگيكالىق ۋنيۆەرسيتەتىنىڭ ستۋدەنتى، (ماماندىعى – «قازاق ءتىلى مەن ادەبيەتى»)
نوميناسيالار:
«قازاقستان-زامان» گازەتiنiڭ «ۇشقىر وي» نوميناسياسىن ەسەت ءمولدىر مەيرامبەك قىزى، ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ ستۋدەنتى (ماماندىعى – «بيولوگيا»)؛
«ايقىن» گازەتىنىڭ «ويتامىزىق» نوميناسياسىە سمان جانسايا، ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى (ماماندىعى – «قازاق ءتىلى مەن ادەبيەتى»)؛
ءال-فارابي قازۇۋ جۋرناليستيكا فاكۋلتەتىنىڭ «ازاماتتىق رۋح» نوميناسياسىن بەردىباي جازيرا تاڭات قىزى، ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى (ماماندىعى – «ماركەتينگ»)؛
«جاس وركەن» ءجشس-نىڭ «نۇرلى وي» نوميناسياسىن ءابجاپپار اسەل ءسابيت قىزى، «بولاشاق» اكادەمياسىنىڭ ستۋدەنتى (ماماندىعى – «قازاق ءتىلى مەن ادەبيەتى»)
«قالا مەن دالا» گازەتىنىڭ «رۋح بايان» نوميناسياسىن سەرىك جۇبانىش باۋىرجان ۇلى، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى (ماماندىعى- «قازاق ءتىلى مەن ادەبيەتى»)
«تۇركىستان» حالىقارالىق اپتالىعىنىڭ «اسقاق ارمان» نوميناسياسىن اماندىق ايجۇلدىز، ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ ستۋدەنتى؛
«الماتى اقشامى» گازەتىنىڭ «اقيقاتقا ادالدىق» نوميناسياسىن ايماقوۆا ءمادينا، اتىراۋ ينجەنەرلىك –گۋمانيتارلىق ينستيتۋتىنىڭ ستۋدەنتى (ماماندىعى -«ەكونوميكا») الدى.
بايقاۋعا كەلىپ تۇسكەن بارلىق جۇمىستاردى بىلىكتى مامانداردان جاساقتالعان كوميسسيا قۇرامى تەكسەرىپ، جۇلدەلى ورىنداردى انىقتادى. كوميسسيا قۇرامىن تانىستىرا كەتسەك، ءتوراعا – نۇرتورە ءجۇسىپ، «ايقىن» رەسپۋبليكالىق قوعامدىق-ساياسي گازەتىنىڭ باس رەداكتورى-ديرەكتورى. كوميسسيا مۇشەلەرى: جۇسىپبەك قورعاسبەك – «جاس وركەن» ءجشس-نىڭ باس ديرەكتورى؛ قالي سارسەنباي – «الماتى اقشامى» گازەتىنىڭ باس رەداكتورى؛ جاڭابەك شاعاتاي – «تۇركىستان» حالىقارالىق اپتالىعىنىڭ باس رەداكتورى؛ ەرتاي ايعالي – «قازاقستان-زامان « حالىقارالىق اپتالىعىنىڭ باس رەداكتورى؛ نۇرلان جۇماحان – «قالا مەن دالا» قوعامدىق ساياسي اپتالىعىنىڭ باس رەداكتورى؛ الەكساندر روجكوۆ – «ارگۋمەنتى ي فاكتى»-كازاحستان» اپتالىعىنىڭ شولۋشىسى؛ (ورىس تىلىندەگى ماتىندەرگە جاۋاپتى)؛ ايگەرىم ءالجانوۆا – جۋرناليستيكا فاكۋلتەتى دەكانىنىڭ وقۋ ءىسى جونىندەگى ورىنباسارى (اعىلشىن تىلىندەگى ماتىندەرگە جاۋاپتى).
بۇل شارا قازاقستان رەسپۋبليكاسىنىڭ ءبىرىنشى پرەزيدەنتى كۇنىن اتاپ ءوتۋ اياسىندا 2013 جىلدان بەرى ءال-فارابي اتىنداعى قازاق ۇلتتىق ۋنيۆەرسيتەتىندە جىل سايىن «مەن جاستارعا سەنەمىن!» اتتى رەسپۋبليكالىق ستۋدەنتتىك پاتريوتتىق جاستار فورۋمى وتكىزىلىپ كەلە جاتىر. فورۋمنىڭ نەگىزگى ماقساتى – ستۋدەنت جاستاردىڭ قازاقستاننىڭ بولاشاعىنا دەگەن ازاماتتىق جاۋاپكەرشىلىگىن ارتتىرۋ جانە پاتريوتتىق، وتانشىلدىق سەزىمىن بيىككە كوتەرۋ.
