ەسىل وزەنى مەن نۇرا-ەسىل ارناسى ارقىلى ەكى كوپىر سالىنادى، دەپ حابارلايدى Qamshy.kz اقپارات اگەنتتىگى استانا قالاسى اكىمدىگىنىڭ مەديا ورتالىعىنا سىلتەمە جاساپ. 

استانا قالاسى وسى جيىرما جىل ىشىندە تۇرلەنىپ دامىپ، گۇلدەنىپ ءوسۋ ۇستىندە. جىل سايىن استانامىزدا جاڭا نىساندار بوي كوتەرۋدە. ەلوردانىڭ جول كولىك قاتىناسىن دامىتۋدا، كولىك كەپتەلىسىن تومەندەتۋ ماقساتىندا قالا اكىمدىگى بار مۇمكىندىكتەردى جاساۋدا. قالا داڭعىلدارى مەن كوشەلەرىندە وڭعا بۇرىلۋ جولاعىن سالۋ سول ىستەردىڭ ءبىر پاراسى.

سونىمەن قاتار، استانادا جاڭادان ەكى كوپىر سالىنادى: ءبىرى ەسىل وزەنى ۇستىنەن، ەكىنشىسى نۇرا-ەسىل كانالى ارقىلى. نۇرا-ەسىل ارناسى ارقىلى وتەتىن كوپىردىڭ قۇرىلىسى 2017 جىلدىڭ شىلدەسىندە باستالعان، 2018 جىلى كوپىر قۇرىلىسىن اياقتاۋ جوسپارلانۋدا. كوپىردىڭ ۇزىندىعى – 40،98 پ.م.، كوپىردىڭ كولەمى – گ-(16،0 م+16،0)+2ح5،5 م، كوپىردىڭ سىزباسى – 1ح33،0 م، كوپىردىڭ ەنى – 51،4 م بولادى.

ال، ەسىل وزەنى ۇستىنەن سالىناتىن كوپىر تاۋەلسىزدىك داڭعىلى ارقىلى قالامىزدىڭ وڭتۇستىك شىعىس بولىگىن سول جاعالاۋمەن جالعايتىن بولادى. ەسىل وزەنى ارقىلى سالىناتىن كوپىردىڭ ۇزىندىعى – 263،22 م، كولەمى – 2ح (گ-18،25 م)+2ح3،0 م، سىزباسى – 70+120+70 م، ءتۇسى مەتالدى، اق بولادى.

قازىرگى تاڭدا تاۋەلسىزدىك داڭعىلىن سول جاعالاۋمەن جالعايتىن كوپىر جوبالانۋ كەزەڭىڭدە. ەكى كوپىر دە ءۇش جولاقتى بولادى.