الماتىدا كوشەلەرگە ش.ايتماتوۆ، گ.بەلگەر، ت.بيگەلدينوۆ، ە.سەركەبايەۆ، ق.كەنجەتايەۆ، س.كالمىكوۆ، ق.مىرزالييەۆ سىندى تۇلعالاردىڭ ەسىمدەرى بەرىلەدى.

الماتى اكىمدىگىنىڭ حابارلاۋىنشا، مەگاپوليستە 42 كوشەگە ەلىمىزدىڭ دامۋىنا ۇلەس قوسقان قايراتكەرلەر ەسىمى بەرىلەدى، قالعاندارى گەوگرافيالىق اتاۋعا، قازاقستاننىڭ تاريحى مەن مادەنيەتىنە، داستۇرىنە وراي اتالاتىن بولادى. 

«ش.ايتماتوۆ، گ.بەلگەر، ت.بيگەلدينوۆ، ە.سەركەبايەۆ، ق.كەنجەتايەۆ، س.كالمىكوۆ، ق.مىرزالييەۆ، الماتى اپورتىنىڭ «اكەسى» اتانعان  ە.رەدكو  جانە باسقالاردىڭ ەسىمدەرىن العان كوشەلەر پايدا بولادى»، دەلىنگەن اكىمدىك حابارلاماسىندا.

ەسكە سالساق،   الماتىدا بۇرىندارى ءبىرىن-بىرى قايتالايتىن 100 كوشە اتاۋى وزگەرگەن بولاتىن. قالاعا قوسىلعان ەلدى مەكەندەردى ەسەپتەگەندە مەگاپوليستە اباي اتىندا - 12. م. اۋەزوۆ اتىندا -3، ج. جابايەۆ اتىندا -13، قۇرمانعازى اتىندا - 6، تولە بي اتىندا - 5، قازىبەك بي اتىندا - 3، ايتەكە بي اتىندا - 3، رايىمبەك باتىر اتىندا - 8، ناۋرىزباي  باتىر اتىندا - 4، قاراساي باتىر اتىندا - 8، بايتۇرسىنوۆ اتىندا - 4، س. سەيفۋللين اتىندا - 5، ءا. مولداعۇلوۆا اتىندا - 6، م. مامەتوۆا اتىندا 6 كوشە اتالعان ەكەن.

قالالىق اكىمدىكتىڭ حابارلاۋىنشا مەملەكەتتىك ورگاندار بازادا كوشە اتاۋى وزگەرگەن سوڭ قاجەتتى انىقتامالاردى ەلەكتروندى ۇكىمەت پورتالىنىن نەمەسە حقكو-دان بىرنەشە مينۋت ىشىندە الا الادى. 

ەندىگى جەردە كەنەسارى حان مەن الاش ارىستارى باستاعان جۇمەكەن ناجىمەدەنوۆ، اقسەلەۋ سەيدىمبەك، ءازىلحان نۇرشايىقوۆ، گەرولد بەلگەر، قۇدايبەرگەن سۇلتانبايەۆ، تۇمانباي مولداعالييەۆ، قادىر مىرزالييەۆ، ءامينا ءومىرزاقوۆا، ەرمەك سەركەبايەۆ، حاديشا بوكەيەۆا، ماقاش ءتاتىموۆ، ت.ب. ۇلت زيالىلارىنىڭ ەسىمدەرى الماتى كوشەلەرىن رۋحتاندىرىپ تۇراتىن بولدى.

قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى «اكىمشىلىك-اۋماقتىق بىرلىكتەرگە، ەلدى مەكەندەردىڭ قۇرامداس بولىكتەرىنە اتاۋ بەرۋ، ولاردى قايتا اتاۋ، سونداي-اق ولاردىڭ اتاۋلارىنىڭ ترانسكريپسياسىن ناقتىلاۋ مەن وزگەرتۋ كەزىندە ءتيىستى اۋماق حالقىنىڭ پىكىرىن ەسكەرۋدىڭ» № 138 قاۋلىسىمەن بەكىتىلگەن قاعيدالارىنا سايكەس، حالىقتىڭ پىكىرىن ەسكەرۋ ءۇشىن تىلدەردى دامىتۋ باسقارماسى الماتى قالاسىنداعى اتاۋى جوق كوشەلەرگە اتاۋ بەرۋ بويىنشا قاجەتتى ماتەريالداردى الماتى قالاسى ءماسليحاتىنىڭ قاراۋىنا ەنگىزدى.

الماتى قالاسى تىلدەردى دامىتۋ باسقارماسى (م.ق.احەتوۆ) قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى «اكىمشىلىك-اۋماقتىق بىرلىكتەرگە، ەلدى مەكەندەردىڭ قۇرامداس بولىكتەرىنە اتاۋ بەرۋ، ولاردى قايتا اتاۋ، سونداي-اق ولاردىڭ اتاۋلارىنىڭ ترانسكريپسياسىن ناقتىلاۋ مەن وزگەرتۋ كەزىندە ءتيىستى اۋماق حالقىنىڭ پىكىرىن ەسكەرۋدىڭ» № 138 قاۋلىسىمەن بەكىتىلگەن قاعيدالارىنا سايكەس، جەتى جۇمىس كۇننىڭ ىشىندە الماتى قالاسى ءماسليحاتىنىڭ الەۋمەتتىك-مادەني دامۋ بويىنشا تۇراقتى كوميسسياسىنىڭ حاتتاماسىن الماتى قالاسى اكىمدىگىنىڭ ينتەرنەت-رەسۋرسىندا ورنالاستىرۋدى جانە بۇقارالىق اقپارات قۇرالدارىندا جاريالاۋدى قامتاماسىز ەتسىن، سونداي-اق ءتيىستى ونوماستيكا كوميسسيالارىنىڭ قاراۋىنا ەنگىزىلدى.