الماتىدا 5-8 سىنىپ وقۋشىلارى اراسىندا «سپورتتىق الماتى» باعدارلاماسى اياسىندا سپورتتىڭ ءتورت تۇرىنەن فينالدىق جارىس ءوتتى.
№ 131 مەكتەپ-ليسەيىندە قالانىڭ ءار اۋدانىنان كەلگەن 250 جۋىق ۇزدىك وقۋشىلار اسىق اتۋ، شاعىن فۋتبول، ارقان تارتۋ، باسكەتبولدان ءوزارا مىقتىنى انىقتادى.
سونىمەن قاتار، كەلگەن قوناقتار مەن قاتىسۋشىلار ءۇشىن كونسەرت قويىلدى. وقۋشىلارمەن قاتار، «Skillerz crew» فريستايل توبى مەن حيميالىق كرەو-شوۋ ۇجىمدارى ونەر كورسەتتى.
«بۇگىن ءبىزدىڭ مەكتەپتە قالانىڭ ەڭ ۇزدىك كوماندالارى جينالدى. بۇل سپورتتىق شارانىڭ ءبىزدىڭ ءبىلىم وردامىزدا ءوتىپ جاتقانىنا وتە قۋانىشتىمىن»، - دەدى №131 مەكتەپ-ليسەيىنىڭ ديرەكتورى روزا دوستانوۆا ءبولىستى.
جالپىكوماندالىق ەسەپ بويىنشا مەدەۋ اۋدانىنىڭ وقۋشىلارى ءبىرىنشى ورىندى يەلەنسە، ەكىنشى ورىنعا بوستاندىق اۋدانىنىڭ كومانداسى جايعاستى. ال ۇزدىك ۇشتىكتى تۇركسىب اۋدانىنىڭ جەتكىنشەكتەرى تۇيىندەدى. جەڭىمپازدار مەن جۇلدەگەرلەر مەدال، ديپلوم جانە كۋبوكتارعا يە بولدى.
«بارلىق كەزەڭدەردەن ءوتتىم. اسىق اتۋ ءبىزدىڭ ۇلتتىق ويىنىمىز بولعاندىقتان تاڭداۋىم وسى سپورت تۇرىنە ءتۇستى. ءبىز دوستارىمىزبەن اۋلادا ءجيى ويناپ تۇرامىز، مەندە 250-گە جۋىق اسىق بار»، - دەدى №156 مەكتەپ وقۋشىسى تىلەگەن نۇرمۇحامەت.
ايتا كەتەر جايت، بۇل وقۋشىلار اراسىنداعى سپورتتىق جارىستار اقپان ايىندا باستالىپ، بالالار جانە جاسوسپىرىمدەردىڭ سپورتقا دەگەن قىزىۋشىلىعىن ارتتىرىپ، سالاۋاتتى ءومىر سالتىن ۇستانۋعا بەيىمدەۋ ماقساتىندا وتكىزىلدى.
الماتى اكىمدىگى سپورت باسقارماسىمەن بىرلەسە وتىرىپ جىلدىڭ باسىنان الماتىدا 2،5 مىڭ سپورتتىق شارا وتكىزىلىپ، 400 مىڭ ادام قامتىلعان. اتاپ وتسەك، وسى جىلدى ءبىز الەمنىڭ 57 ەلىنەن 2،5 مىڭنان استام دەلەگاتتىڭ قاتىسۋىمەن 28ء-شى قىسقى ۋنيۆەرسيادا ويىندارىمەن باستادىق. ەل تاريحىنداعى ەڭ اۋقىمدى سپورتتىق دودا بولعان ۋنيۆەرسيادانىڭ وتۋىنە جالپى جۇرتشىلىق، سپورتشىلار مەن حارىقارالىق ساراپشىلار وڭ باعاسىن بەردى. سونىمەن قاتار، «الماتى تۋرى»، «الەم بارىسى»، شىمبۇلاقتا وتكەن «تاۋ جانە سپورت فەستيۆالى»، «ۇلى دالا ويىندارى»، فۋتزالدان ەۋروپا چەمپيوناتىنا ىرىكتەۋ جانە ۋەفا كۋبوگىنىڭ تورتتىك فينالى جانە ت.ب. وتكىزىلدى. ورتالىق ازيادا ەڭ اۋقىمدى بۇقارالىق سپورتتىق شارالاردىڭ ءبىرى دە بىرەگەيى 20 مىڭ ادامنىڭ قاتىسۋىمەن وتكەن «الماتى مارافونى» بولىپ تابىلادى.
وتكەن جىلى بۇقارالىق سپورتتى دامىتۋ جانە ناسيحاتتاۋ ماقساتىندا «سپورتتىق الماتى» جوباسى ىسكە قوسىلعان. وسى جىلدىڭ باسىنان اتالمىش باعدارلاما اياسىندا بۇقارالىق جانە سپورتتىق مىڭ شارا ۇيىمداستىرىلىپ، جالپى، ولارعا ءجۇز وتىز بەس مىڭ قالا تۇرعىنى قاتىسقان. جىلدان جىلعا سپورتپەن شۇعىلدانۋشىلار سانى ءوسىپ كەلەدى. وسى جىلى ىسكە قوسىلعان «سپورت مەنىڭ اۋلامدا» جوباسى اياسىندا قازىرگى تاڭدا، 600 اۋلادان 75ء-ى تاڭداپ الىنىپ، جۇمىس ىستەۋدە جانە 6 اۋدان بويىنشا 6000 بالا سپورتپەن اينالىسادى. سونىمەن قاتار، الماتى قۇراماسىنىڭ رەسپۋبليكالىق كەشەندى شارالاردا كورسەتكەن ناتيجەلەرىن اتاپ وتكىم كەلەدى: وسى جىلى الماتى كومانداسى IV جاستار ويىندارىندا ءبىرىنشى ورىندى يەلەنسە، سونداي-اق، 2016 جىلى مەكتەپ جانە كوللەدج وقۋشىلارى اراسىندا وتكەن سپارتاكيادادا جالپىكوماندالىق ەسەپتە جەڭىس تۇعىرىنان كورىندى.
