الماتىدا جاستارعا ارنالعان «الماتى جاستارى» اتتى جاڭا تۇرعىن ءۇي باعدارلاماسى بارىسىندا 35 جاسقا دەيىنگى الماتىلىقتار جەكە پاتەرگە يە بولۋ ءۇشىن جەڭىلدەتىلگەن زاەمگە قول جەتكىزە الادى. اكىمدىكتە «تۇرعىنۇيجيناققۇرىلىسبانكى» اق مەن قالانىڭ ءتۇرعىنۇي جانە تۇرعىن ءۇي ينسپەكسياسى باسقارماسى ىنتىماقتاستىق تۋرالى ءتيىستى كەلىسىمگە قول قويدى.

«الماتى جاستارى» باعدارلاماسىنىڭ باستى ەرەكشەلىگى پايىزدىق تولەمنىڭ تومەندىگىندە - كولەمى 10 ملن. تەڭگەگە دەيىنگى زاەمعا جىلىنا 5% جەڭىلدىك بەرىلەدى. باعدارلاما بويىنشا نەسيەنى قايتارۋ مەرزىمى تولەم قابىلەتىنە قاراي جەكە جاسالادى،3 جىلدان 25 جىلعا دەيىن.

شارا بارىسىندا الماتى اكىمى باۋىرجان بايبەك مەملەكەت باسشىسىنىڭ تاپسىرماسى بويىنشا بيلعى جىل الماتىدا «جاستار جىلى» دەپ جاريالانعانىن، سونىڭ اياسىندا جاستاردىڭ مەگاپوليستەگى ومىرگە بەيىمدەلۋىنە، جان-جاقتى دامۋىنا، تۇلعا بولىپ قالىپتاسۋىنا وڭ ىقپال ەتەتىن ءتيىستى جول كارتاسىنىڭ جۇزەگە اسىپ جاتقاندىعىن اتاپ ءوتتى.

«بۇگىنگى كۇنى قالادا 35 جاسقا دەيىنگى جاستار سانى 800 مىڭ ادام. جاستار ءۇشىن بارىنشا ماڭىزدى جانە اكتۋالدى ماسەلە - جەكە تۇرعىن ۇيگە قول جەتكىزۋ.«الماتى جاستارى» اتتى جەڭىلدەتىلگەن تۇرعىن ءۇي باعدارلاماسىن ەنگىزۋ ءۇشىن ءقازىردىڭ وزىندە جەرگىلىكتى بيۋدجەتتەن 1 ملرد. تەڭگە ءبولىندى. ونىڭ ۇستىنە، «الماتى جاستارى» باعدارلاماسى جاستاردى ىنتالاندىرۋمەن قاتار قالالىقتار اقشاسىنىڭ قالادا قالۋىنا دا ىقپال ەتەدى.جەڭىلدەتىلگەن زاەمدى تەك الماتى قالاسىندا عانا العاشقى ءۇيدى ساتىپ الۋعا جۇمساۋعا بولادى.ياعني، وسى قارجى ەسەبىنەن قۇرىلىسشىلار مەن جۇمىسشىلارعا جالاقى تولەنەدى، كاسىپورىندارعا تاپسىرىس بەرىلەدى، قۇرىلىس كومپانيالارى قالا بيۋدجەتىنە سالىق تولەيدى»، -دەپ اتاپ ءوتتى ب.بايبەك.

ايتا كەتەرلىگى، باعدارلاما اياسىندا جۇمىس ىستەيتىن جاستار ىنتالاندىرىلادى.قالا ۇيىمدارىندا جۇمىس ىستەيتىن جاستاردىڭ ءار جىلىنىڭ وتىلىنە 1 بالل ەسەپتەلەدى، ال ەگەر جاس ادام الەۋمەتتىك سالالادا، مىسالى مەكتەپتە نەمەسە بالا باقشادا ەڭبەك ەستە ونىڭ ەڭبەك ءوتىلىنىڭ باللى ەكى ەسەلەنەدى. الەۋمەتتىك مۇمكىندىگى تومەن جاندار ءۇشىن دە جەڭىلدەتىلگەن جاعداي جاسالعان، ولاردىڭ قاتارىنا كوپ بالالى وتباسىلار، 1 جانە 2 توپ مۇگەدەكتەرى، تولىق ەمەس وتباسىلار، جەتىمدەر جانە باسقالارى كىرەدى

قالا بيلىگى «الماتى» اكك ۇك» اق ارقىلى ستۋدەنتتەر ءۇشىن جاتاقحانا قۇرىلىسىن سالۋدى قولعا الماقشى. قازىرگى كەزدە وسى جوباعا قاتىسۋعا «الماتى مەنەدجمەنت ۋنيۆەرسيتەتى» مەن س. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى نيەت بىلدىرۋدە. الماتى جاستارىنا قولداۋ كورسەتۋدىڭ جول كارتاسى اياسىندا 2020 جىلعا دەيىن 12 جاتاقحانا سالۋ جوسپارلانعان. بيىلعى جىلدىڭ اياعىنا دەيىن ءتورت جاتاقحانا قۇرىلىسى اياقتالادى.

«ءبىز ءتۇرعىنۇي-قۇرىلىس جيناعى جۇيەسىندە العاش رەت اكىمدىكپەن سالىمشىلاردى قولداۋعا باعىتتالعان كەلىسىمگە قول قويىپ وتىرمىز. ەگەر بۇعان دەيىن بارلىعى تۇرعىن ءۇي قۇرىلىسىن قولداۋعا تىرىسسا، ەندى باعىتىمىز ءبىرىنشى رنەت وزگەردى. بۇگىن ءبىز الماتى اكىمدىگىمەن بىرگە ارنايى جاستاردىڭ تۇرعىن ءۇي-قۇرىلىس جيناعىنا دەگەن سەنىمىن ارتتىرۋ كوزدەپ وتىرمىز. الماتى بويىنشا ءبىزدىڭ قورجىنىمىز قوماقتى. بۇگىنگى كۇنى ءبىزدىڭ فيليالدا 147 مىڭ ادامنىڭ دەپوزيتى بار، ونىڭ 50 مىڭى، ءبىز ەسەپتەپ كوردىك، 20-30 جاس ارالىعىنداعى جاس ادامدار. ءارى ولاردىڭ 13 مىڭى بيىلعى جىلى كەلگەندەر»، - دەپ اتاپ ءوتتى «تۇرعىنۇيقۇرىلىسجيناقبانكىنىڭ» باسقارما ءتورايىمى لياززات يبراگيموۆا.

باعدارلاماعا قاتىسۋ ءۇشىن 10 كۇن ىشىندە ءوتىنىش بەرۋ قاجەت. ونى ارنايى almaty-zhastary.kz. سايتى ارقىلى جاساۋعا بولادى.اۆتوريزاسيا ءۇشىن جاقىن ماڭداعى حقكو-نان ەلەكتروندى سيفرلى قولتاڭبا الۋ كەرەك. ءوتىنىش قابىلداۋ مەرزىمى اياقتالعان سوڭ قاتىسۋشىلاردى ىرىكتەۋ باستالادى.جەڭىلدەتىلگەن نەسيە الۋدىڭ كانديداتتار پۋلىنا جاس الماتىلىقتارعا قولداۋ بىلدىرەتىن «الماتى جاستارى» باعدارلاماسىنىڭ بارلىق كرييتەريلەرى بويىنشا ارنايى باللدىق جۇيە ارقىلى ىرىكتەلگەندەر ەنەدى. باللعا نەكەدە تۇرعان جىلى، بالالار سانى، جۇمىس ءوتىلى مەن ەڭبەك ەتەتىن جەرى، جەكە كاسىپكەرلىگى، الماتىدا تىركەلگەن مەرزىمى جانە باسقالارى ىقپال ەتەدى. پۋل تولىق جاسالعاننان كەيىن عانا «تۇرعىنقۇرىلىسجيناقبانكى» ءوز جۇمىسىنا كىرىسەدى. ول كانديداتتىڭ تولەم قابىلەتىن تەكسەردى، سونان سوڭ 5 % پايىزدىق جەڭىلدەتىلگەن زاەمدى بەرەدى. جاستارعا بەرىلەتىن نەسيەنىڭ جالپى كولەمى - 10 ملن. تەڭگە. زاەم تەك جاڭا ءۇي ساتىپ الۋعا بەرىلەدى، پاتەردى باعدارلاماعا قاتىسۋشى ءوزى تاڭدايدى.

«الماتى جاستارى» باعدارلاماسى تۋرالى تولىق مالىمەتتى الماتى قالاسىنىڭ تۇرعىن ءۇي جانە تۇرعىن ءۇي ينسپەكسياسى باسقارماسىنىڭ www.uzh-almaty.kz سايتىنان جانە «قازاقستاننىڭ تۇرعىنۇيجيناقۇرىلىسبانكى»اق-نىڭ www.hcsbk.kz سايتىنان جانە 300 ي 8-8000-801-880 ، +7 (727) 380 05 23، +7 (727) 380 05 02 تەلفوندارى ارقىلى بىلۋگە بولادى، تەلەفون شالۋ تەگىن.

«الماتى جاستارى» باعدارلاماسىنا قاتىۋشىلارعا قويىلاتىن تالاپتار:

1. ءوتىنىش بەرۋ كەزىدە قاتىسۋشى مەن ونىڭ جۇبايىنىڭ جاسى 35 جاستان اسپاۋى ءتيىس. باعدارلاماعا جۇبايلاردىڭ تەك بىرەۋى عانا قاتىسا الادى؛

2. ەرلى-زايىپتىلار مەن ولاردىڭ وتباسى مۇشەلەرىنىڭ (ەگەر ولار وتباسى بولسا) الماتى قالاسىندا 1 جىلدىق تۇراقتى تىركەۋى بولۋى شارت. باعدارلاماعا قاتىسۋشىنىڭ جانە ونىمەن بىرگە تۇراتىن وتباسى مۇشەلەرىنىڭ قازاقستان رەسپۋبليكاسى اۋماعىندا جەكە تۇرعىن نەمەسە ارەندالى ۇيلەرى بولماۋى ءتيىس.

3. باعدارلاماعا قاتىسۋشى قازاقستان رەسپۋبليكاسى اۋماعىندا سوڭعى 5 جىل ىشىندە تۇرعىن ءۇي جاعدايىن ادەيى تومەندەتكەن فاكتىسى جوق بولعانى ءجون؛

4. قاتىسۋشىنىڭ الماتى قالاسىنداعى جۇمىس ءوتىلى جارتى جىلدان از بولماۋى قاجەت. بۇل تالاپتار الەۋمەتتىك جاعدايى تومەن جاندارعا جۇرمەيدى، ولار:

- 1 جانە 2 توپ مۇگەدەەكتەرى؛

- مۇگەدەك بالالارى بار جانە ولاردى تاربيەلەۋشى وتباسىلار؛

- اتا- انا قاراۋىنسىز قالعان جەتىمدەر؛

- 4 جانە ودان دا كوپ كامەلەكەتكە جەتپەگەن بالالارى بار وتباسىلار؛

- 1 جانە ودان كوپ بالالارى بار تولىق ەمەس وتباسىلار؛

5. كەم دەگەندە جارتى جىلدىق جك مەملەكەتتىك تىركەۋى بار ءوز بەتىنشە جۇمىس ىستەيتىن قالالىقتار.