بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگتە الاتاۋ اۋدانىنىڭ اكىمى شاحمەردەن رىسپايەۆ ءسوز ەتتى دەپ حابارلايدى Qamshy.kz اقپارات اگەنتتىگى. 

اۋدان باسشىسىنىڭ سوزىنە سۇيەنسەك، «نۇركەنت» ىقشاماۋدانىندا 600 ورىنعا ارنالعان جاڭا مەكتەپ سالىنۋدا، سونداي-اق، اۋداننىڭ 6 مەكتەبىنە قوسىمشا عيمارات سالۋ جۇمىستارى جۇرگىزىلۋدە. ولار: «شاڭىراق-2» ىقشاماۋدانىنداعى №26 مەكتەپكە 1100 ورىنعا قايتا قۇرىلىمداۋ جۇمىستارى جۇرگىزىلۋدە، قۇرىلىس جۇمىستارى اياقتالعاننان سوڭ اتالعان مەكتەپتىڭ سىيىمدىلىعى 2100 ورىندىق بولادى، «زاريا ۆوستوكا» ىقشاماۋدانىنداعى №151 مەكتەپكە 650 ورىندىق قوسىمشا عيمارات سالىنۋدا، «وجەت» ىقشاماۋدانىنداعى №156 مەكتەپكە 600 ورىندىق، «تەرەكتى» ىقشاماۋدانىنداعى №184 مەكتەپكە 600 ورىندىق، «العاباس» ىقشاماۋدانىنداعى №185 مەكتەپكە 550 ورىندىق قوسىمشا عيماراتتار سالىنۋدا، جالپى بولىنگەن قاراجات سوماسى 5 ملرد.، 265 ملن. تەڭگە.

سونىمەن قاتار، اۋدان باسشىسى 4 جاڭا بالاباقشانىڭ قۇرىلىسى ءجۇرىپ جاتقانىن حابارلادى. ولار: «العاباس» ىقشاماۋدانىندا 120 ورىندىق، «تەرەكتى» ىقشاماۋدانىندا 120 ورىندىق، «نۇركەنت» ىقشاماۋدانىندا 320 ورىندىق، «سايالى» ىقشاماۋدانىندا 320 ورىندىق بالاباقشالار، جالپى بولىنگەن قاراجات سوماسى 2 ملرد.، 781 ملن. تەڭگە. حالىقتى باسپانامەن قامتاماسىز ەتۋ ماقساتىندا، «سايالى» ىقشاماۋدانىندا 19 كوپ قاباتتى، «نۇركەنت» ىقشاماۋدانىندا 22 كوپ قاباتتى تۇرعىن ۇيلەر سالىنۋدا، مومىش ۇلى كوشەسىنىڭ بويىندا جەكە ينۆەستيسيا ەسەبىنەن 87 تۇرعىن ءۇيدىڭ 10-ى سالىندى، 24 ءۇيدىڭ قۇرىلىسى جۇرگىزىلۋدە، - دەپ ءسوزىن قورىتىندىلادى اۋدان اكىمى.