قازاقستاندىق بلوگەرلەر قاراعاندى وبلىسىندا ەرەۋىلدەپ جاتقان كەنشىلەر جايىندا ەكىنشى ءبىر پىكىر تۋدىردى. ماسەلەن دەنيس كريۆوشەيەۆ ءوزىنىڭ Facebook پاراقشاسىندا شاحتا قىزمەتكەرلەرىن «جەر استىندا ەشكىم ۇستاپ وتىرعان جوق» دەپ جازدى دەپ حابارلايدى Qamshy.kz اقپارات اگەنتتىگى. 

«نەلىكتەن ولار ەرەۋىلگە شىقتى؟ قول-اياعى ساۋ، تەپسە تەمىر ۇزەتىن جىگىتتەر وزدەرىن باسقا سالادان تابۋلارىنا بولار ەدى»، دەدى.

بلوگەردىڭ ويىنشا، ەگەر كەنشىلەردىڭ 100 پايىزعا جالاقىنى ءوسىرۋ تۋرالى تالابىن ورىنداسا، كومىر «التىنعا» اينالار ەدى.

وعان قوسا، بۇل تالاپتى ورىنداسا زەينەتكەرلەردىڭ دە قالتاسىنا اۋىرلىق ءتۇسۋى مۇمكىن دەپ، مىسال كەلتىردى.

دەنيس كريۆوشەيەۆ:  «قۇرمەتتى كەنشىلەر، سىزدەردىڭ جۇمىستارىڭىز قانشالىقتى اۋىر ەكەندىگىن بىلەمىز، ءبىراق تەك سىزدەرگە عانا قيىن زامان بولىپ تۇرعان جوق، ءبارىمىز دە ءتوزىپ ءجۇرمىز عوي» دەپ جازدى.

كەنشىلەردىڭ ارەكەتىن ساكەن بەكتيار دا سىناپ تاستادى، ول:

«بەس ءجۇز ادام ءۇشىن مىڭداعان ادامنىڭ نەلىكتەن سونشا دۇرلىككەنى جايلى ويلاعىم دا كەلمەيدى، ءىس جۇزىندە، كەڭسە قىزمەتكەرلەرىن دە شاحتەردىڭ 150 مىڭى قاناعاتتاندىرمايدى»، دەپ جازدى جەلى قولدانۋشىسى.

وعان قوسا، بلوگەر كومپانيانىڭ اتاۋىن، ياعني «ارسەلورميتتال تەمىرتاۋدىڭ» لوندوندىق «ارسەنال» دەگەن اتاۋعا ۇقساس جاپ-جاقسى ەكەندىگىن ايتتى.

«كەنشىلەر ءقازىر جارىعى بار جەردە، تاماق جەپ، راديو تىڭداپ وتىر، ال مۇندا مىڭداعان فەيسبۋك قولدانۋشىلارى ولاردى ويلاپ قينالىپ وتىر»، دەپ كەنشىلەردى سىناپ تاستادى.