ق ر تاۋەلسىزدىگى كۇنىنە وراي «Qazaqstan» ۇلتتىق تەلەارناسىنىڭ ارنايى دايىنداعان تەلەجوبالارىنىڭ تانىستىرىلىمى ءوتتى. شارانىڭ باستى ماقساتى - تەليەۆيزيالىق باعدارلامالار ارقىلى ەلىمىزدىڭ ەڭ ءبىر قاسيەتتى مەرەكەسى تاۋەلسىزدىك كۇنىنىڭ ماڭىزدىلىعىن ارتتىرۋ جانە قازاقستاندىقتاردى سوڭعى جىلدارى ەلىمىزدىڭ جەتكەن جەتىستىكتەرىمەن كەڭىنەن تانىستىرۋ، دەپ حابارلايدى qamshy.kz اقپارات اگەنتتىگى.
«Qazaqstan» ۇلتتىق تەلەارناسىنىڭ تاپسىرىسىمەن دايىندالعان، ەلىمىزدىڭ قاۋىپسىزدىگىن قامتاماسىز ەتەتىن ارنايى قىزمەت قۇرىلىمدارىنىڭ جانكەشتى ەڭبەگىن سيپاتتايتىن «تەكەتىرەس» اتتى 4 بولىمنەن تۇراتىن تەليەۆيزيالىق كوركەم تەلەحيكايا ۇسىنىلادى. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ 25 جىلدىعىنا وراي ارنايى تۇسىرىلگەن تۋىندى 18-19 جەلتوقسان كۇندەرى ساعات 13:15-تە 2 بولىمنەن قاتار كورسەتىلەتىن بولادى.
