ۇلىبريتانيادا شامامەن 100 مىڭ سەكس-قىزمەتكەرلەر جۇمىس ىستەيدى جانە ونىڭ 20%-ى ەر ادامدار. كەيبىرى بۇل قىزمەتتكە ءوز ەركىمەن كەلسە، ەندى بىرەۋلەر ءۇشىن بۇل جالعىز كۇن كورىس پەن اقشا تابۋ ءتاسىلى.

BBC اگەنتتىگى وسىنداي جەزوكشەلىكپەن اينالىساتىن  ەر ادامداردىڭ ءومىرى مەن قىزمەتى تۋرالى جازادى.

دەنيەل 10 جىل بۇرىن ۋنيۆەرسيتەتىن تاستاپ، جەزوكشىلىكپەن اينالىسا باستاعان.  ەندى مىنە بۇل ونىڭ نەگىزىگى تابىس كوزىنە اينالعان.

"كوبىنەسە، جالعىز باستى ەر ادامدارعا قىزمەت كورسەتەمىن، ولاردىڭ اراسىندا ىستەپ جۇرگەنىن جاسىرعىسى كەلەتىن وتباسىلى ەر ادامدار دا بار"-دەديى ول.

دەنيەلدىڭ ايتۋىنشا، ونىڭ كليەنتتەرى كوپشىلىگى 35 پەن 85 جاس ارالىعىنداعى ادامدار. ونىڭ قىزمەت كورسەتۋ تىزىمدەرىنە ماسساج، جىنىستىق قاتىناس پەن ءبىر ءتۇندى بىرگە وتكىزۋ كىرەدى. ءوز قىزمەتتەرىن ول ينتەرنەت جانە ارنايى باعدارلامالار ارقىلى جارنامالايدى.

شىندىعىنا كەلگەندە، دەنيەلدىڭ جۇمىسى زاڭدى بولىپ ەسەپتەلەدى ەكەن. انگليا، شوتلانديا، ۋەلستە جىنىستىق قاتىناس ءوز ەركىنەن تىس بولسا عانا زاڭسىز بولىپ تابىلادى. سونىمەن بىرگە، كوشەدە ءوزىن ساتۋ مەن جەزوكشەلىكپەن اينالىساتىن ارنايى ۇيىمدار قۇرۋ زاڭسىز بولىپ ەسەپتەلەدى.

جەزوكشەلىكپەن اينالىساتىن 80%  ەر ادام وزدەرىنىڭ قىزمەتتەرىن ينتەرنەت ارقىلى جارنامالايدى. دەنيەل ءۇشىن دە بۇل ءتاسىل ەڭ ءتيىمدى بولىپ تابىلادى.

ەر ادامدارعا وسىنداي جاعدايلاردا قولداۋ كورسەتەتىن جانە قاۋىپسىزدىكتەرىنە جاردەم بەرەتىن ارنايى ۇيىمنىڭ قىزمەتكەرى حەيلي ءسپيدتىڭ ايتۋى بويىنشا، سەكس-قىزمەتكەرلەردىڭ كوپشىلىگى جوزەكشەلىكپەن 14-15 جاستان باستاپ اينالىسا باستاعان.

«بۇل سالادا بالالاردى دا، ەرەسەكتەردى دە ءوز ەركىنەن تىس جەزوكشەلىكپەن اينالىسۋعا يتەرمەلەيدى. الايدا بۇل سەكس-قىزمەت ەمەس، بالالاردى ەكپلۋاتاسيالاۋ».

Beyond the Gaze ۇيىمى جۇرگىزگەن ساۋالناما ناتيجەسى بويىنشا، سەكس-يندۋستريا سالاسىندا جۇمىس ىستەيتىن ەر ادام داردىڭ 12%-ى سوڭعى بەس جىلدا زورلىققا ۇشىراعان. جانە ولاردىڭ 70%-ى بولعان جاعداي تۋرالى پوليسياعا حابارلاماعان.

ال، تايلەر ەسىمدى جىگىت بۇل قىزمەتكە اياق استى تاپ بولعان. ونىڭ اتا-اناسى ۇلدارىنىڭ گەي ەكەنىن بىلگەن سوڭ، ودان باس تارتقان. امالى تاۋسىلعان ول ءوز تۋعان جەرىن تاستاپ، ءۇيسىز، اقشاسىز قالعان. ارادا ءبىر اپتا وتكەنس سوڭ جەزوكشەلىكپەن اينالىسىپ كەتكەن. «ءبارى كۇنىنە بىر-ەكى ادام قابىلداعاننان باستالدى»-دەيدى تايلەر.

كەيدە كليەنتتەر تولەگىسى كەلمەي مەنى كولىككە قاماپ قويعان كەزدەر دە بولعان دەيدى جىگىت. ءتىپتى قوناقۇيلەردىڭ بىرىندە ونى زورلاپ تا كەتكەن ەكەن. «مەن كەلگەندە وندا ءبىر عانا ادام بولعان. الايدا ول مەنىڭ سۋسىنىما الدەنە سەپتى، مەن ەسىمنەن تانىپ قالدىم. ەسىمدى جيعاندا قاسىمدا  ءتورت ەركەك بولدى»-دەيدى ول.

   ءقازىر تايلەردىڭ جاڭا جۇمىسى بار. الايدا ول جەزوكشەلىكپەن اينالىسۋدى ءالى دە تاستاماعان.

قازىرگى كەزدە جەزوكشەلىكپەن اينالىساتىن ەر ادامداردىڭ زورلىققا ۇشىراۋى ماسەلەسىنە بايلانىستى ارنايى قور مەن ۇيىمدار اينالىسىپ، ولاردىڭ قۇقىقتارىن قورعايدى ەكەن.