ۇلىبريتانيادا اعزا الماستىرۋ وپەراسياسى كەزىندە دارىگەر ناۋقاستىڭ باۋىرىنا لازەر ارقىلى ءاتى-جونىنىڭ باس ارىپتەرىن قالدىرعان دەپ جازادى Qamshy.kz اقپارات اگەنتتىگى life.ru-عا سىلتەمە جاساي وتىرىپ.
باۋىر الماستىرۋ وپەراسياسى كەزىندە دارىگەر قان توقتاتاتىن ارنايى لازەر ارقىلى قوس ناۋقاستىڭ باۋىرىنا ءوزىنىڭ ءاتى-جونىنىڭ باس ارىپتەرىن قالدىرعان. ناۋقاستاردىڭ ەكەۋى دە ول كەزدە انەستەزيا اسەرىندە بولعان. قالدىرىلعان قولتاڭبالار ادام ءۇشىن زيانسىز ءارى ۋاقىت كەلە جوعالىپ كەتۋى ءتيىس ەدى. الايدا بۇلاي بولماعان، ناۋقاستار ەكىنشى رەت تەكسەرۋگە كەلگەندە شىندىقتىڭ بەتى اشىلىپتى.
قازىرگى ۋاقىتتا دارىگەرگە قاتىستى سوت ءىسى باستالدى. بيرمينگەمدەگى سوت وتىرىسى كەزىندە 53 جاستاعى سايمون برەمحولل قوس جاعدايعا قاتىستى ءوزىن كىنالى دەپ تاپتى، ءبىراق جاپا شەگۋشىنىڭ دەنەسىنە زاقىم كەلتىرىپ، ءجابىر كورسەتتى دەگەن ايىپتى مويىنداۋدان باس تارتتى.
مەديسينالىق قىزمەتكەركە قاتىستى سوت ۇكىمى 12 قاڭتاردا شىعادى. تەرگەۋ جانە سوت ءىسى اياقتالعانعا دەيىن برەمحولل كەپىلمەن ەركىندىكتە قالادى. ال اۋرۋحانادان ول بۇل جايتتىڭ بەتى اشىلعاننان كەيىن دەرەۋ قۋىلدى.
