ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ فرانسۋز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى فيليپپ مارتينەمەن كەزدەستى دەپ حابارلايدى Qamshy.kz اقپارات اگەنتتىگى. 

كەزدەسۋ بارىسىندا نۇرلان ەرمەكبايەۆ قازاقستاننىڭ فرانسيامەن اراداعى بايلانىستارعا ۇلكەن ءمان بەرەتىنىن جانە ءتۇرلى سالاداعى ءوزارا ءتيىمدى ىنتىماقتاستىقتى جوعارى باعالايتىنىن اتادى. سونداي-اق، مينيستر فرانسياداعى ءدىني احۋال تۋرالى بىلۋگە ىنتالى ەكەنىن ءبىلدىردى.

فرانسيا ەلشىسى فيليپپ مارتينە ءوز كەزەگىندە كونفەسسياارالىق كەلىسىمدى ساقتاۋدىڭ قازاقستاندىق ۇلگىسىن زەرتتەۋگە قىزىعۋشىلىق ءبىلدىردى. سونىمەن قاتار، ديپلومات قازاقستاندا ورتالىق ازيا ەلدەرىنىڭ قاتىسۋىمەن ءدىن ماسەلەلەرى بويىنشا حالىقارالىق فورۋم وتكىزۋدى ۇسىندى.

نۇرلان ەرمەكبايەۆ جانە فيليپپ مارتينە قازاقستان مەن فرانسيا مۇددەلى مەملەكەتتىك ورگاندارىنىڭ تاجىريبە الماسۋ جانە ءدىني تۇرعىداعى ەكسترەميزم كورىنىستەرىنە قارسى تۇرۋ، دەراديكاليزاسيا جانە ءداستۇرلى ەمەس ءدىني اعىمداردىڭ وكىلدەرىن وڭالتۋدا ىقپالداستىقتىڭ ءتيىمدى مەحانيزمىن ازىرلەۋ قاجەتتىگىن اتادى.

كەزدەسۋ قورىتىندىسىندا تاراپتار ءدىني سالاداعى ىقپالداستىق پەن تاجىريبە الماسۋ بويىنشا ىنتىماقتاستىقتى جالعاستىرۋعا كەلىستى.

ايتا كەتەيىك، بيىل قازاقستان مەن فرانسيا ديپلوماتيالىق قاتىناستاردىڭ ورناۋىنىڭ 25 جىلدىعىن اتاپ وتۋدە.