ورالدىق كوكەك انا اقىرى اتا-انالىق قۇقىعىنان ايرىلدى. جاڭا تۋعان نارەستەسىن قۇرىلىس الاڭىنا تاستاپ كەتكەن 21 جاستاعى زارينا دوسمۇحامەتوۆاعا قاتىستى سوت وسىنداي شەشىم شىعاردى، دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساي وتىرىپ.
كەيىنىرەك انىقتالعانداي، ۇلىنىڭ اكەسىمەن ۇرسىسىپ قالعان زارينا العاشىندا ونى جەتىمدەر ۇيىنە وتكىزبەك بولىپتى. ءبىراق تابا الماي، بالاسىن قۇرىلىس الاڭىنا تاستاپ كەتكەن. ءاليجان ەسىمدى نارەستە ءقازىر بالالار ۇيىندە تاربيەلەنىپ جاتىر.
ال كەلىنشەك "ءقاۋىپتى جاعدايدا قالدىردى" دەگەن باپپەن ايىپتالىپ، اۋەلى قوعامدىق جۇمىسقا جەگىلدى. ودان سوڭ بالانى وزىنە قايتارىپ الۋعا تىرىسقان بولاتىن. ءبىراق سوت مۇلدەم باسقا شەشىم شىعاردى.
"سوت شەشىمى ءبىر ايدان كەيىن كۇشىنە ەنەدى. بۇل بالا اتا-اناسىنىڭ قامقورلىعىنسىز قالعان بالالار ساناتىنا جاتادى. رەسپۋبليكالىق دەرەكتەر بانكىندە تۇراتىن ازاماتتار بۇل بالانى قامقورلىققا نەمەسە پاتروناتتىققا الۋعا قۇقىعى بار. ەندى 6 اي وتكەننەن كەيىن اتا-اناسى اتا-انالىق قۇقىعىن ءوز قالپىنا كەلتىرمەسە، بۇل بالا اسىراپ الۋعا دا قۇقىعى بولادى"، — دەيدى ورال قالالىق ءبىلىم ءبولىمىنىڭ بالالار قۇقىعىن قورعاۋ سەكتورىنىڭ مەڭگەرۋشىسى ءاقيىس بەرجانوۆا.
