شىعىس قازاقستاندا ق ر تاۋەلسىزدىگى كۇنىنە وراي بىرنەشە ءبىلىم وشاعىنا جاڭا كولىك بەرىلدى. وبلىس اكىمى دانيال احمەتوۆ مەكتەپ ديرەكتورلارىنا 22 اۆتوبۋستىڭ كىلتىن تابىستادى دەپ حابارلايدى Qamshy.kz اقپارات اگەنتتىگى. 

         قازىردە ايماقتا 193 اۆتوبۋس مەكتەپ وقۋشىلارى تاسىمالىمەن اينالىسۋدا. سونىمەن قاتار ايماق باسشىلىعىنىڭ تاپسىرماسىمەن «مەكتەپ اۆتوبۋسى» باعدارلاماسى بويىنشا اۆتوپاركتەر جاڭارتىلۋدا.

         – ەلىمىزدىڭ ەرتەڭىن قالايتىن جاسوسپىرىمدەردىڭ، جاستاردىڭ ساپالى ءبىلىم الۋى ءۇشىن قولايلى جاعداي تۋعىزۋىمىز قاجەت. قازىرگى كۇنى وبلىستىڭ مەكتەپتەرىن تولىقتاي اۆتوبۋسپەن قامتاماسىز ەتتىك. ونىڭ ۇستىنە بۇل ءوزىمىزدىڭ وڭىرىمىزدە قۇراستىرىلىپ جاتقان كولىكتەر، – دەدى دانيال احمەتوۆ. 

         DAEWOO BSD 106 ماركالى اۆتوبۋستارى سەمەي قالاسىنداعى «سەماز» كولىك زاۋىتىندا قۇراستىرىلعان. جولاۋشىلار كولىگى ءقاۋىپسىز تاسىمالدىڭ بارلىق تالاپتارىنا جاۋاپ بەرەدى.

         وسى ورايدا ەسكەرە كەتۋ كەرەك، بۇگىندە شىعىس قازاقستاندا مەكتەبى جوق ەلدى مەكەننىڭ 6041 وقۋشىسى تولىقتاي كولىك تاسىمالىمەن قامتاماسىز ەتىلگەن.