قازپوشتا ەلىمىزدەگى تۇڭعىش سيفرلىق كەڭسەنىڭ تۇساۋكەسەرىن وتكىزدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
قازپوشتانىڭ تۇڭعىش سيفرلىق كەڭسەسى استانا قالاسىندا اشىلىپ وتىر. كەڭسەگە كىرگەننەن-اق سىزگە قۋانىش اتتى روبوت «قازپوشتانىڭ سيفرلىق كەڭسەسىنە قوش كەلدىڭىزدەر» دەپ قارسى الادى. الداعى ۋاقىتتا قازپوشتا مۇنداي كەڭسەلەردى ەلىمىزدىڭ بىرنەشە قالاسىندا ىسكە قوسپاق. مۇندا قىزمەتتەردى ادەتتەگىدەي وپەراتور قىزمەتكەرلەر ەمەس، گيبريدتى بانكوماتتار، ەلەكتروندىق كاسسير، پوشتامات جانە VR-اگەنت كورسەتەدى.
قازپوشتانىڭ بولاشاق كەڭسەلەرىندە كليەنتتەر پوشتالىق جانە قارجىلىق قىزمەتتەردى وزدەرى اتقارا الادى. سونداي-اق post.kz سايتى قىزمەتتەرىنىڭ مۇندا بارلىق ءتۇرىن پايدالانۋعا بولادى. اتاپ ايتقاندا، اقشا اۋدارىمدارىن جاساۋعا، كوممۋنالدىق تولەمدەردى، جقە بۇزعانى ءۇشىن ايىپپۇلداردى تولەۋگە، اۆيا جانە تەمىرجول بيلەتتەرىن ساتىپ الۋعا جانە ت.ب. قىزمەتتەردى ورىنداۋعا بولادى.
كاسىپكەرلەر ءۇشىن زاماناۋي كەڭسە بىرەگەي قىزمەتتى ۇسىنىپ وتىر. ناقتىراق ايتقاندا، بانك پەن ينكاسساتورلار قىزمەتىن الماستىرا الاتىن ەلەكتروندىق كاسسيردىڭ قۇندىلىعى ەرەكشە. بولىمشەگە كەلىپ، ءوز كارتاڭىزدى تولتىرساڭىز جەتكىلىكتى. جابدىق ءبىر جولدا 100 ملن تەڭگەگە دەيىن قابىلدايدى. اقشانى جۇيەنىڭ ءوزى ساناپ، كۋپيۋرالار بويىنشا ىرىكتەيدى.وپەراسيا سوڭىندا كليەنتكە چەك بەرىلەدى. قولما-قول اقشا بەرۋدە دە ەلەكتروندىق كاسسير ءدال وسىلاي جۇمىس ىستەيدى. كەشەن 4-5 اي اۆتونومدى تارتىپتە جۇمىس جاساي بەرەدى. بانكتەر 18-00-گە دەيىن قىزمەت كورسەتسە، سيفرلىق كەڭسە ساعات كەشكى 22:00-گە دەيىن اشىق بولادى.
بولىمشەنىڭ جۇمىسىن تولىقتاي الماستىرا الاتىن تاعى ءبىر بىرەگەي قۇرىلعى - گيبريدتى بانكومات. ول تولەم كارتاسىنا تاپسىرىس بەرۋگە جانە الۋعا كومەكتەسەدى، ال الداعى ۋاقىتتا ساۋساق پەن بەت-الپەت بويىنشا بيومەتريكالىق ۆەريفيكاسيالاۋ قوسىلعاننان كەيىن كارتا شوتىنان كارتانىڭ ءوزىنسىز قولما-قول اقشا الۋعا مۇمكىندىك تۋادى.
گيبريتتى بانكوماتتا رost.kz سايتىنىڭ كوممۋنالدىق تولەمدەرىن، سالىقتاردى، كرەديتتەردى، جقە بۇزعانى ءۇشىن ايىپپۇلداردى تولەۋ، اقشااۋدارىمدارى جانە دەپوزيتتەردى تولتىرۋ سياقتى قىزمەتتەر قولجەتىمدى بولا تۇسكەن. سونداي-اق بايلانىس ورتالىعى وپەراتورىمەن حابارلاسۋعا جانە ناقتى ۋاقىت رەجيمىندە كەڭەس الۋعا بولادى.
سيفرلىق كەڭسەدە گيبريدتى بانكوماتپەن قاتار، كلاسسيكالىق بانكوماتتار مەن تولەم تەرمينالدارى قويىلعان. ولار ايىپپۇلداردى تولەۋگە جانە شەتەلگە شىعۋعا قويىلعان شەكتەۋدى الىپ تاستاۋعا مۇمكىندىك بەرەدى. كليەنتتەر جسن ەنگىزۋ ارقىلى ءوز موينىندا بەرەشەكتىڭ بار-جوقتىعىن تەكسەرىپ، تولەم جاساۋىنا بولادى. 5 مينۋت ىشىندە كليەنتتىڭ بەرەشەكتى تولەگەنى تۋرالى اقپارات ق ر ادىلەت مينيسترلىگىنىڭ دەرەكتەر بازاسىنا بەرىلەدى دە، 30 مينۋتتان سوڭ ەلدەن تىسقارۋ شىعۋعا سالىنعان شەكتەۋ الىنىپ تاستالادى. مۇنداي تەرمينالدار ەلىمىزدىڭ 8 اۋەجايىندا ورناتىلعان. كەلەر جىلى قالالارعا تاعى 120 تەرمينال قويىلماق.
«ساۋلە دەگەن كەڭەسشى «Method-Pro» مەكتەبىمەن بىرگە جاسالدى. ول ءبىزدىڭ كليەنتتەردىڭ ماڭىزدى سۇراقتارىنا جاۋاپ بەرەدى. ماسەلەن، تولەمدى قالاي جۇرگىزۋگە بولاتىنىن، بانك كارتاسىن قالاي الۋعا بولاتىنىن ساۋلەدەن سۇراپ بىلە الاسىز. ازىرگە ساۋلە 100 سۇراققا جاۋاپ بەرە الادى. البەتتە، بۇل العاشقى نۇسقا بولعاندىقتان، ءبىز ونىڭ قىزمەت اياسىن كەڭەيتۋدى قولا الامىز»، -دەيدى ىت-ساۋلەت بويىنشا دەپارتامەنت ديرەكتورى باقتيار مۇحامەتقالييەۆ.
ول سونىمەن بىرگە، قۋانىش اتتى روبوت تا وسىنداي سۇراقتارعا جاۋاپ بەرە الاتىنىن اتاپ ءوتتى. «قۋانىش كوبىنەسە كەلگەن ادامداردىڭ كوڭىلىن كوتەرۋ ءۇشىن جۇمىس ىستەيدى. ءسىز ەسىمىڭىزدى ءبىر رەت قانا اتاساڭىز، ول ەسىنە ساقتاپ الىپ،سىزبەن اڭگىمەلەسە بەرەدى. ءتىپتى ەرتەڭىندە ءسىزدى تانىپ قويىپ، اتىڭىزدى اتاپ، اڭگىمە-دۇكەندى جالعاستىرا بەرۋگە قاۋقارلى. ول اۋا-رايى تۋرالى، قايدا تۇرعانىڭىزدى ايتىپ، Wi-fi ءپارولىنىڭ وزگەرگەنىن ايتىپ بەرىپ تۇرادى»، - دەيدى باقتيار مۇحامەتقالييەۆ.
