«قازگيدرومەت» رمك 16-20 جەلتوقسان ارالىعىنداعى دەمالىس جانە مەرەكە كۇندەرىنە ارنالعان اۋا رايىنىڭ بولجامىن جاريا ەتتى دەپ حابارلايدى Qamshy.kz اقپارات اگەنتتىگى.
سينوپتيكتەر الداعى بەس تاۋلىكتە قار جاۋمايدى، الايدا اياز كۇتىلەدى دەپ وتىر.
«ءسىبىر انتيسيكلونىنىڭ سۋىق جانە قۋاتتى سىلەمدەرى دەمالىس جانە مەرەكە كۇندەرى قازاقستاننىڭ بۇكىل اۋماعىنداعى اۋا-رايىن انىقتايتىن بولادى. سوندىقتان اۋا-رايى باسىمىراق جاۋىن-شاشىنسىز تۇنگى تۇمانمەن جانە كادىمگىدەي سۋىق تەمپەراتۋرامەن كۇتىلەدى.
سولتۇستىك، ورتالىق جانە شىعىس وبلىستاردا تۇندە كەي جەرلەردە 30°-تان تومەن اياز بولادى. بۇل كۇندەرى قازاقستاننىڭ بارلىق اۋماعىندا تەمپەراتۋرا كليماتتىق نورمادان 2...5°س تومەن كۇتىلۋدە»، دەلىنگەن حابارلامادا.
