«سامۇرىق-قازىنا» قورى ترانسفورماسياسىنىڭ جۇمىسشىلاردى قىسقارتۋعا ەش قاتىسى جوق. بۇل تۋرالى قور باسشىسى ءومىرزاق شوكەيەۆ ايتتى، دەپ حابارلايدى Qamshy.kz اقپارات اگەنتتىگى.

«سامۇرىق-قازىنا» قورى مەن پورتفەلدى كومپانيالاردىڭ قىزمەتكەرلەرى، پارلامەنت دەپۋتاتتارى، مەملەكەتتىك ورگاندار وكىلدەرى مەن قوعام قايراتكەرلەرى استانادا جينالىپ، ۇلتتىق حولديگتىڭ قۇندىلىقتارى مەن دامۋ جوسپارىن  تالقىلادى.

قوردىڭ باسقارما ءتوراعاسىنىڭ مالىمدەۋى بويىنشا، الداعى بەس جىلدا قور كومپانيالارىنىڭ قارقىندى دامۋى ءۇشىن كورپوروتيۆتى مادەنيەتكە اسا كوڭىل ءبولۋ كەرەك. سەبەبى بۇل كورسەتكىش  ومپانيانىڭ ناقتى قۇنىنا اسەر ەتۋى مۇمكىن.

«ءبىزدىڭ كومپانيالار، نارىققا شىققالى جاتىر. ارينە، ءبىر،ءبىر جارىم جىلدىڭ ىشىندە، IPO-عا شىققانشا، ءبىزدىڭ وندىرىستىك كورسەتكىشتەرىمىزدە، تەحنولوگيالارىمىزدا اسا وزگەرىستەر بولمايتىن دا شىعار، ءبىراق كومپانيا قۇنىنىڭ ءوسۋىن مادەني وزگەرىستەر تاراپىنان ارتتىرۋىمىزعا بولادى. ترانسفورماسيا كومپانيالاردىڭ ىشكى قۇرىلىمىن وزگەرتۋگە  باعىتتالعان. IPO-نىڭ الدىندا كومپانيا قۇنىن باعالاۋ كەزىندە ينۆەستورلار كومپانيانىڭ ىشكى قۇرىلىمىنا ، كورپوراتيۆتىك مادەنيەتىنە دە قارايدى. سونىمەن قاتار كورپوراتيۆتىك مادەنيەت كومپانيانىڭ قۇنىنا  اسەر ەتەدى»،- دەپ ءتۇسىندىردى شوكەيەۆ.

قور باسشىلارى توپتىڭ جاڭا كورپوروتيۆتىك مادەنيەتىنىڭ نەگىزگى قۇندىلىعى  - سەرىكتەستىك ەكەنىن اتاپ كورسەتتى. بۇل اسپەكت پورتفەلدىك كومپانيالاردىڭ ءوزارا قارىم-قاتىناسىمەن قاتار قور اكسيونەرلەرى بولىپ تابىلاتىن – ۇكىمەتكە دە قاتىستى.

«سەرىكتەس رەتىندە مەملەكەتتىك ورگاندار ءبىزدىڭ قوردا بولىپ جاتقان وزگەرىستەرگە زور قىزىعۋشىلىق تانىتاتىنىن جانە يگى وزگەرىستەرگە ۇمتىلاتىنىن اتاپ ايتقىم كەلەدى. قور دا  وزگەرۋ يدەولوگياسىنىڭ سىرتقا تاراعانىنا، سونىڭ ىشىندە  ۇكىمەت پەن مەملەكەتتىك ورگاندارعا تاراۋىنا مۇددەلى. ۇزدىكسىز وزگەرۋ فيلوسوفياسى بارلىعىنا دارىعانىن قالايمىز»، - دەپ مالىمدەدى «سامرۇق-قازىنا» اق اتقارۋشى ديرەكتورى نۇرلان راحمەتوۆ.

سونىمەن قاتار، قوردىڭ باسقارما ءتوراعاسى ترانسفورماسيا جۇمىس ورنىن قىسقارتۋدى بىلدىرمەيتىنىن  اتاپ ءوتتى.

«ترانسفورماسيانىڭ جۇمىسشى سانىن قىسقارتۋعا ەش قاتىسى جوق. ترانسفورماسيا مەنەدجمەنتكە دەگەن تالاپتى كۇشەيتەدى. مىسالى ءبىز 1600 لاۋازىمدى ىرىكتەپ الدىق، وسى لاۋازىمدارمەن جۇمىس جاسايمىز. قاتارداعى جۇمىسشىلارعا كەلەر بولساق، ولاردىڭ باسەكەگە قابىلەتتىلىكتەرىنە ەش كۇمانىمىز جوق»، - دەپ مالىمدەدى شۇكەيەۆ جۋرناليستەردىڭ سۇراقتارىنا جاۋاپ بەرۋ بارىسىندا.

شۇكەيەۆ قوردىڭ بارلىق قىزمەتكەرلەرى ورتاق ماقسات ءۇشىن جۇمىس ىستەيتىندىگىن ايتتى. ول  -  ەكونوميكالىق تيىمدىلىكتى جانە ەڭبەك ونىمدىلىگىن ارتتىرۋ. سونداي-اق ونىڭ سوزىنشە، مادەني كىلت – بۇل جاي عانا قۇزىرەتتەر جيىنتىعى عانا ەمەس، بۇل ۇنەمى جاقسىلىققا، ۇزدىك تاجىريبەگە ۇمتىلىس.