تاۋەلسىزدىك كۇنى قارساڭىندا قالادا جاستارعا نەسيە بەرۋدىڭ «الماتى جاستارى» سىنامالى باعدارلاماسى بويىنشا كىلتتەر مەن تۇرعىن ءۇي سەرتيفيكاتتارى تابىس ەتىلدى، بۇل ومىرشەڭ باعدارلامانى جۇزەگە اسىرۋعا جەرگىلىكتى بيۋدجەتتەن 1 ملرد. تەڭگە ءبولىندى.

الماتى اكىمدىگى مەن «تۇرعىنۇيجيناقبانكى» بىرىگىپ قولعا العان «الماتى جاستارى» باعدارلاماسىنىڭ باستى ەرەكشەلىگى جاس مولشەرىن ۇلعايتىپ، 35 جاسقا دەيىنگى جاس الماتىلىقتاردى قامتىعانىندا. العاشقى جارنا تولەمەسە دە نەسيە ەڭ تومەنگى پايىز بويىنشا بەرىلەدى جانە جاستاردىڭ قايدا جەردە جۇمىس ىستەيتىندىگىنىڭ ەش قاتىسى جوق.

«تۇرعىن ۇيمەن قامتاماسىز ەتۋ – بۇل جاستارعا قاتىستى ماڭىزدى ماسەلەنىڭ ءبىرى، ولاردىڭ جۇمىسقا ورنالاسۋى، ءبىلىم الۋى ۇنەمى ءجىتى نازاردا، سوندىقتان «الماتى جاستارى» باعدارلاماسىنىڭ اياسىندا جىل سوڭىنا دەيىن 100 الماتىلىق جاس وتباسى جەكە پاتەرلەرىنىڭ كىلتىتتەرىن الادى. جاستار باعدارلاماسى بويىنشا بەرىلگەن زاەمعا الماتىدان العاشقى ءۇيدى ساتىپ الۋعا بولادى، ءسويتىپ اقشا قالادا قالادى. ياعني، وسى اقشادان قۇرىلىسشىلارعا جالاقى تولەنەدى، كاسىپورىندارعا تاپسىرىس بەرىلەدى، قۇرىلىس كومپانيالارى قالا بيۋدجەتىنە سالىق تولەيدى»، - دەپ اتاپ ءوتتى الماتى اكىمى باۋىرجان بايبەك.

«تۇرعىنۇيقۇرىلىسجيناقبانكى» ءتوراعاسىنىڭ ورىنباسارى جانار جۇبانيازوۆا «الماتى جاستارى» باعدارلاماسىنىڭ بارىنشا اشىق بولۋىن قامتاماسىز ەتۋ ءۇشىن ارنايى www.almaty-zhastary.kz پورتالى اشىلعانىن، قاتىسۋشىلار سوعان ءوتىنىش بەرگەندەرىن ايتتى. قۇجاتتاردىڭ باسىم كوپشىلىگى ەلەكتروندى ۇكىمەتتىڭ وڭىرلىك شليۋزىندە اۆتوماتتى تۇردە سۇرىپتالدى. قۇجاتتاردى قوعام مەن جاستار وكىلدەرىنەن قۇرالعان تۇرعىن كوميسسياسى قارادى.

ساراپشىلار باللدىق جۇيە ارقىلى الماتى جاستارى مەن جاس وتباسىلارعا قولداۋ كورسەتتى. مىسالى، تۇڭعىش بالا ءۇشىن 10، كەيىنگى ءار بالا ءۇشىن 15 باللدان بەرىلدى.جۇبايلىق ءومىردىڭ ءار جىلىنا ەكى باللدان قوسىلدى.

قوسىمشا باللدارعا مەنشىك تۇرىنە قاراماستان قالانىڭ الەۋمەتتىك سالاسىندا جۇمىس ىستەيتىن جاستار يە بولدى. مۇمكىندىگى شەكتەۋلى جاندارعا قوسىمشا 10 باللدان بەرىلدى. الماتىنىڭ بيزنەس اقالاسى ەكەندىگى ەسكەرىلىپ، جاس كاسىپكەرلەرگە دە قولداۋ كورسەتىلدى، مۇنداعىلار ءار جۇمىس ىستەگەن جىلدارى ءۇشىن ءبىر جارىم باللدان الدى.

جاڭا پاتەرلەردىڭ كىلتتەرىن العاشقى بولىپ العاندار قاتارىندا ورتالىق قالالىق كلينيكالىق اۋرۋحانا دارىگەرى ءاسيا ميرتايەۆا، قالالىق ادام رەپرودۋكسياسى ورتالىعى زەرتحاناسىنىڭ مامانى رايگۇل جانعالييەۆا، «اۆتوگازالماتى» ج ش س ينجەنەر- وپەراتورى نۇرلان ساپاروۆ جانگە باسقالارى بار. جالپى، باعدارلاما مارەسىنە 72-دەن 162 دەيىن بالل جيناعاندار جەتتى.

قالا اكىمىنىڭ قولىنان جەكە پاتەرىنىڭ كىلتىن كونكۋرستا 92 بالل جيناعان جەدەل جاردەم فەلدشەرىوكسانا شەفەر الدى.

«مەن پرەزيدەنتىمىزگە جانە وسى باعدارلامانى ۇيىمداستىرۋشىلارعا ۇلكەن العىس ايتامىن. كەلەر جىلى دا الماتىدا جاستار ءۇشىن تۇرعىن ءۇي الۋعا جەڭىل نەسيە بەرەتىن وسى باعدارلامانىڭ جالعاسۋىن قالايمىن. پاتەر العانىمدى بىلگەن مەنىڭ ارىپتەستەرىم، دوستارىم اتالعان باعدارلاماعا زور قىزىعۋشىلىق تانىتۋدا. ءوز پاتەرىمىزگە يە بولعانىمىز ءۇشىن ءبىز باقىتتىمىز، بارلىقتارىڭىزدى الداعى مەرەكەلەرمەن قۇتتىقتايمىن»، - دەدى وكسانا شەفەر.

وكسانا شەفەردىڭ جالعىز ءوزى تاربيلەپ وتىرعا توعىز جاسار قىزى ميلانا قۋانىشىن جاسىرا الماي: «مەن جاڭا جىلدى جاڭا ۇيدە قارسى الاتىنىمىزعا وتە قۋانىشتىمىن ءارى يت اسىرايتىن بولامىز!»-، دەدى.

ەسكە سالساق، ەلباسىنىڭ تاپسىرماسى بويىنشا 2017 جىل الماتىدا جاستار جىلى بولىپ جاريالانعان ەدى. جاستار ءومىرىن تەرەڭ سارالاي كەلىپ، الماتىدا تۇڭعىش رەت «2020 جىلعا دەيىن جاستاردى قولداۋدىڭ جول كارتاسى» جاسالدى. «ۇك «الماتى» اقك» اق-نىڭ قارجىلاندىرۋىمەن جاتاقحانا سالۋ جوباسى قولعا الىندى. 2000 ورىندى ءتورت جاتاقحانا قۇرىلىسى اياقتالىپ قالدى. كەلەر جىلدان باستاپ 2،4 مىڭ ورىندى تاعى ەكى جاتاقحانا قۇرىلىسى باستالادى. جالپى، 2020 جىلعا دەيىن قالادا 7 مىڭ ورىندى 12 جاتاقحانا سالىنادى.