قازاقستان رەسپۋبليكاسى تاۋەلسىزدىك كۇنى قارساڭىندا «ۇوس ارداگەرلەرى، تىل ەڭبەككەرلەرى جانە سوعىس بالالارى كەڭەسى» قورىنىڭ ۇيىمداستىراۋىمەن ۇوس ارداگەرلەرىنىڭ اراسىندا بيلياردتان تۋرنير ءوتتى.

90-نان اسقان جاستارىن ەلەمەي، ءبىزدىڭ باتىر ارداگەرلەرىمىز بويلارىنداعى سەرگەتتىكتەرىن جوعالتقان ەمەس. وسى جىلى ۇيىمداستىرىلعان «التىن كۇز» بالىندا ولار شىر اينالىپ بيلەپ، تەبىرەنە ءان ايتىپ، وسكەلەڭ ۇرپاققا ۇلگى-ونەگە كورسەتتى. بيلياردتان وتكەن تۋرنير دە ارداگەرلەرىمىز وزدەرىن تەك جەڭىس كۇنىندە عانا ەمەس، باسقا ۋاقىتتا دا وزدەرىن باقىتتى سەزىنۋگە مۇمكىندىك بەرۋ ماقساتىندا ۇيىمداستىرىلعان بولاتىن.

تۋرنير «Hit Target» بيليارد كلۋبىنىڭ دەمەۋشىلىگىمەن جوعارى دەڭگەيدە ءوتتى. الدى توقساندى القىمداعان ارداگەرلەر كاتەگورياسىندا ءبىرىنشى ورىندى تىل ەڭبەككەرى، قازاقستاننىڭ مادەنيەت قايراتكەرى ءىزباسار وتەش ۇلى، ەكىنشى ورىندى سوعىس جىلدارى قازاقستانعا قونىس اۋدارعان كورەي ۇلتىنىڭ وكىلى ماي ۋندەەي حۆان، ءۇشىنشى ورىندى تىل ەڭبەككەرى وماربەكوۆ نەسىپباي يەمدەندى. ال سەكسەننەن تومەن ارداگەرلەر اراسىندا ءبىرىنشى ورىندى تىل ەڭبەككەرى بيجانوۆ توكەن، ەكىنشى ورىندى جازۋشى حاسەن ۇلى يگەن، ءۇشىنشى ورىندى ابىكەيەۆ تورەحان يەمدەندى. سونىمەن قاتار، ءتۋرنيردى باعالاۋ ءۇشىن ارنايى قوناق رەتىندە سوعىس ارداگەرلەرى جاپارحانوۆ سليامحان، كولەسنيكوۆ الەكساندر، ابدۋلوۆ يۆان، ماكسيموۆا تامارا، كولەسنيكوۆا ليۋدميلا شاقىرىلدى.

ارداگەرلەر ويىن ويناپ، اڭگىمە ايتىپ، شەر تارقاتتى. ءبىزدىڭ ەلدىڭ باس مەرەكەسى تاۋەلسىزدىك كۇنىن قادىرلەۋدىڭ، وسى بەيبىت ءومىردىڭ ءار كۇنىنە شۇكىرشىلىك ايتۋدىڭ قانشالىقتى ماڭىزدى ەكەندىگىن جەتكىزدى.

اقنيەت امانجول قىزى