الماتىدا جوعارى وقۋ ورىنداردىڭ بىرىندە وقيتىن  جاستاعى ستۋدەنت ابزال مىرزاش العاشقى سەسسياسىن "وتە جاقسى" تاپسىرىپ، ۇستازدارىن تاڭعالدىردى دەپ حابارلايدى Qamshy.kz اقپارات اگەنتتىگى sputniknews.kz cايتىنا سىلەمە جاساي وتىرىپ. 

«ابزال بارلىق پاننەن ەڭ جوعارى بالل الدى. قازان ايىندا العاشقى اتتەستاسيا بولدى، كەيىن ەكىنشى اتتەستاسيا، ال ءقازىر سەسسيا. بارلىق كەزەڭدە ول ەڭ جوعارى بالل جينادى»، — دەدى داۋرەنبەك مىرزاش ۇلى. 

ونىڭ ايتۋىنشا، ۇلى العاشقى ەمتيحان كەزىندە ەش قوبالجىماعان، ءتىپتى سىناققا ارنايى دايىندالماپتى دا. 

«بۇل وعان ەش قيىندىق تۋعىزعان جوق، كەرىسىنشە ءبارى وڭاي بولدى. ستۋدەنت كەزىمىزدە ءبىز ءار ەمتيحانعا كۇنى-تۇنى دايىندالاتىن ەدىك. ال ۇلىم ولاي ەمەس – ەستە ساقتاۋ قابىلەتى جاقسى، سەمەستر بويى ساباقتان قالىپ كورگەن جوق. ءۇي تاپسىرماسىمەن عانا شەكتەلمەيدى، ودان ءارى تەرەڭىرەك ىزدەنۋگە تىرىستى. سەسسيا وعان قىزىق بولعان سياقتى»، — دەپ ءبولىستى ۇلىنىڭ جەتىستىكتەرىمەن اكەسى. 

داۋرەنبەك نىسانوۆ دەمالىستا ابزالدىڭ قول قۋسىرىپ وتىرمايتىنىن جەتكىزدى. 

"دەمالىس كەزىندە بىزگە، اتا-اناسىنا، باۋىرلارىنا اعىلشىن ءتىلىن ۇيرەتپەكشى. ءقازىر ابزال Advanced – ياعني، ءتىلدى ەركىن مەڭگەرۋ، جوعارى دەڭگەيگە كوشىپ جاتىر. 20 جەلتوقساننان باستاپ ونىڭ وقۋشىلارى بولامىز"، — دەپ كۇلدى اكەسى. 

ابزال مىرزاش مەكتەپ باعدارلاماسىن نەبارى جەتى جىل ىشىندە مەڭگەرىپ، قازاق-بريتان تەحنيكالىق ۋنيۆەرسيتەتىنە ءتۇستى. ەندى ول جوعارى وقۋ ورنىن ءۇش جىلدا اياقتاپ، شەتەلدىك ۋنيۆەرسيتەتكە ماگيستراتۋراعا تاپسىرۋدى جوسپارلاپ وتىر.