ەلباسى قازاقستاننىڭ حالىق ءارتىسى، تانىمال اكتەر قۇمان تاستانبەكوۆتىڭ قايتىس بولۋىنا بايلانىستى تۋعان-تۋىسقاندارى مەن جاقىندارىنا كوڭىل ايتۋ جەدەلحاتىن جولدادى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساي وتىرىپ.
مەملەكەت باسشىسى كورنەكتى تەاتر جانە كينو اكتەرى، قازاقستاننىڭ حالىق ءارتىسى قۇمان تاستانبەكوۆتىڭ دۇنيەدەن وتكەنىنە وراي كوڭىل ايتتى.
جەدەلحاتتا ق.تاستانبەكوۆتىڭ وتاندىق تەاتر جانە كينو ونەرىن دامىتۋعا، سونداي-اق جاس ۇرپاقتى تاربيەلەۋگە قوسقان زور ۇلەسى اتاپ كورسەتىلگەن.
«ونىڭ جارقىن بەينەسى مەن ۇلت ونەرىنە سىڭىرگەن ەڭبەگى حالىق جادىندا ءارقاشان ساقتالاتىنىنا سەنىمدىمىن»، – دەلىنگەن جەدەلحاتتا.
