ءبىر توپ توناۋشى بانك توناعاندا مىناداي ءسوز ايتىپتى: «قوزعالماڭدار، اقشا مەملەكەتتىكى، جان وزدەرىڭدىكى!». مۇنى ەستىگەن قىزمەتكەرلەر ءلام دەمەستەن جەرگە جاتا قالىپتى. توناۋشىنىڭ بىرەۋى قول-اياعىن اسپانعا سوزىپ، تالتايىپ جاتقان كاسسير بويجەتكەنگە قاراپ: ‹بيكەش، ادەپتىرەك جاتىڭىز، بۇل – توناۋ، استە زورلاۋ ەمەس› دەگەن ەكەن. قىلمىسكەرلەردىڭ ىشىندەگى جوعارى ءبىلىمى بار بىرەۋى: «قانشا اقشا العانىمىزدى ساناپ كورەلىك» دەپتى. سوندا باستاۋىش ءبىلىمى دە جوق اتامان: «وي، اقىماق! وسىنشا كوپ اقشانى قاشان ساناپ بولامىز؟ كەشتە حاباردان كورسەك بولدى ەمەس پە؟ سوندا وزدەرى-اق سانىن ايتىپ بەرەدى› دەپتى.
توناۋشىلار بار اقشانى الىپ، ءىز سۋىتقان سوڭ بانك باستىعى ورىنباسارىنا سىبىرلاپ، «ۇرلانعان اقشانىڭ سانىنا ءوزىمىز جەگەن اقشانى دا قوسا سال» دەپتى.
ءۇش جىگىت ءبىر قىزدىڭ ۇيىنە بارىپ ۇيلەنۋ تالابىن قويىپتى، قىزدىڭ اكە-شەشەسى ولارعا وزدەرىن تانىستىرۋدى سۇراعان ەكەن.
سوندا ءبىرىنشى جىگىت: مەنىڭ 10 ميلليون دوللارىم بار دەسە، ەكىنشى جىگىت مەنىڭ ءبىر سايااجىم بار. قۇنى 20 ميلليون دوللار تۇرادى دەپتى. قىزدىڭ اكە-شەشەسى قاتتى قۋانىپ كەتسە كەرەك. ءۇشىنشى جىگىتكە قاراپتى. ول «مەنىڭ ەشتەڭەم جوق. تەك ءبىر بالام بار. ول قىزىڭىزدىڭ قۇرساعىندا» دەگەن ەكەن.
سوندا ءبىرىنشى جىگىت پەن ەكىنشى جىگىت ەشتەڭە دەمەي شىعىپ كەتىپتى.
*****
قىزدار مونشاسىنا ءورت كەتىپتى، بارلىق ادام ابدىراپ تىر-جالاڭاش كۇيىندە سىرتقا قاراي قاشىپتى. كوشەگە شىعىپ ەستەرىن جيعان قىزدار ەكى قولىمەن ۇياتتى جەرلەرىنىڭ قاي جەرىن جابارىن بىلمەي ابىگەرگە تۇسسە كەرەك. سوندا جولدان ءوتىپ بارا جاتقان قاريا: بەتتەرىڭدى جابىڭدار، باسقا جاعى بارىڭدە ۇقساس دەگەن ەكەن.
****
اكەسى ماشيناسىن جۋىپ جاتسا، بالاسى قولىنداعى تاسپەن ماشينانىڭ ەسىگىن سىزىپ تاستاپتى. اشۋلانعان اكە تاياقپەن سالىپ جىبەرىپتى. بالانىڭ قولى سىنىپ، دەرەۋ دارىگەرگە اپارعان ەكەن. سوندا بالا: اكە، كەشىرىڭىز، ەندى ولاي ىستەمەيمىن، - دەپ جىلامسىراعان كورىنەدى.
اكەسىنىڭ اشۋى ورنىنا ءتۇسىپ، ماشيناسىنا قايتىپ كەلىپ، انىقتاپ قاراسا بالاسى: «اكە ءسىزدى جاقسى كورەمىن» دەپ جازعان ەكەن.
***
ءبىر سوقىر قىز بولىپتى، ونىڭ ەشتەڭەسى جوق ەدى، تەك ونى سۇيەتىن جىگىتى عانا بار ەدى. جىگىتى ودان: ەگەر سەنىڭ كوزىڭ كورە الاتىن بولسا، مەنىمەن وتباسىن قۇراسىڭ با؟ – دەپ سۇراعاندا، قىز ويلانباستان «ءيا» دەپ جاۋاپ بەرىپتى.
كوپ وتپەي، قىزدىڭ كوزىنە وتا جاسالىپ، ونىڭ كوزى كورەتىن بولىپتى. ءبىراق ول ءوزىنىڭ جىگىتىنىڭ دە سوقىر ەكەنىن كورىپ، ونىمەن وتباسىن قۇراۋدان باس تارتىپتى. سوندا جىگىت ءبىر اۋىز ءسوز ايتىپ، كەتىپ قالعان ەكەن...
– «كوزىمە جاقسى قارا!»
****
ۇلى قارتايعان شەشەسىن اسىراي الماعاندىقتان، ونى تاۋ باسىنان لاقتىرىپ جىبەرۋ بەكىمىنە كەلىپتى. كەش باتاردا تاۋعا بارىپ سەيىلدەيمىز دەپ شەشەسىن ارقالاپ جولعا شىعىپتى. بيىك تاۋدىڭ باسىنا جەتكەنشە، شەشەسىنىڭ قولىنداعى بۇرشاقتى بىر-بىرلەپ جەرگە تاستاپ كەلە جاتقانىن كورىپ، «مۇنىڭ نە» دەپ سۇراسا كەرەك. شەشەسىنىڭ جاۋابىن ەستىپ، بالاسى كوز جاسىنا ەرىك بەرىپتى. سونداعى اناسىنىڭ ايتقانى:
– بالام-اۋ، سەن ءقازىر تاۋدان جالعىز تۇسەسىڭ عوي. سوندا اداسىپ كەتپەسىن دەگەنىم...
جۇڭگو تىلىنەن اۋدارعان: بەكارىس
"كۇلتەگىن" سايتىنان
پىكىر قالدىرۋ