رەسەي پرەزيدەنتى ۆلاديمير پۋتين سانكت-پەتەربۋرگتە جانە باسقا قالالاردا تەراكت ۇيىمداستىرماق بولعاندار جايىندا سرۋ اقپاراتپەن بولىسكەنى ءۇشىن اقش پرەزيدەنتى دونالد ترامپقا تەلەفون ارقىلى العىس بىلدىرگەن.
جەكسەنبىدە تەلەفون ارقىلى اڭگىمەدە پۋتين ترامقا سرۋ ديرەكتورىنا جەكە العىسىن جەتكىزۋىن سۇراعان. بۇل جونىندە كرەملدىڭ باسپا ءسوز قىزمەتى حابارلايدى.
تەلەفونمەن سويلەسۋ كەزىندە رەسەي پرەزيدەنتى ەگەر اقش-قا قارسى قانداي دا ءبىر تەراكت ۇيىمداستىرىپ جاتقانى جونىندە اقپارات بولسا، مىندەتتى تۇردە قۇراما شتاتتار بيلىگىنە جەتكىزەتىنىنە ۋادە بەرگەن.
رەسەي ارنايى قىزمەتىنىڭ اقپاراتىنا قاراعاندا، اقش-تىڭ ورتالىق بارلاۋ باسقارماسى (سرۋ) سانكت-پەتەربۋرگتەگى قازان شىركەۋىندە جيھادشىلاردىڭ قاتىسۋىمەن تەراكت ۇيىمداستىرىلىپ جاتىر دەگەن اقپارات بەرگەن.
كۇدىكتىلەر 14 جەلتوقساندا ۇستالعان. ولاردىڭ ىشىندە داعىستان، ينگۋشەتيا جانە تاجىكستان ازاماتتارى بار. ۇستالعاندار وزدەرىنە تاعىلعان ايىپتى مويىندامايدى. ولار قارۋدى رەسەيدىڭ ارنايى قىزمەتى "تىعىپ" جىبەردى دەپ ەسەپتەيدى.
