تاۋەلسىزدىك مەرەكەسى مەن الاش ۇكىمەتىنىڭ 100 جىلدىعىنا وراي استانادا بوكستان رەسپۋبليكالىق اشىق تۋرنير وتۋدە، دەپ حابارلايدى Qamshy.kz اقپارات اگەنتتىگى حابار ارناسىنا سىلتەمە جاساي وتىرىپ.

بايراقتى باسەكە جاستار مەن جاسوسپىرىمدەر اراسىندا ۇيىمداستىرىلعان. بىلعارى قولعاپ شەبەرلەرىنىڭ دوداسىنا ەلىمىزدىڭ بارلىق ءوڭىرى مەن رەسەي، وزبەكستان، تاجىكستان جانە قىرعىزستاننان دا بوكسشىلار كەلگەن. ۇزىن سانى 180 سپورتشى جينالدى. ولار جاس ەرەكشەلىكتەرى بويىنشا 7 توپقا ءبولىنىپ، ءوزارا مىقتىنى انىقتاۋدا.

"بۇگىن ءتۋرنيردىڭ جارتىلاي فينالى ءوتىپ جاتىر. رينگكە 28 جۇپ شىعادى. ءبىزدىڭ قۇرامامىز جاقسى ونەر كورسەتۋدە. استانا، الماتى قالالارىنىڭ سپورتشىلارى مىقتى. رەسەيلىكتەر دە وسال ەمەس"، – دەيدى جارىستىڭ باس تورەشىسى قانات سيحىمبايەۆ.

"مەن ءوزىم 34 كەلى سالماق دارەجەسىندە بوكستاسامىن. جارىس جاقسى وتۋدە. بىزدەن جارتىلاي فينالعا 5 بالا ءوتتى، فينالعا دا بارلىعى وتەدى دەگەن ويدامىن"، - دەپ مالىمدەدى جارىسقا قاتىسۋشى نۇرسۇلتان اتامبەكوۆ.