تاۋەلسىزدىكتىڭ التىن بەسىگى – الماتى شاھارىندا «تاۋەلسىزدىككە تارتۋ» اتتى رەسپۋبليكالىق اقىندار ايتىسى وتەدى. وعان ەلىمىزدىڭ ءار وڭىرىندە جىل بويى وتكەن ايتىستاردىڭ جەڭىمپازدارى، الاشتىڭ اقيقاتىن ايتىپ، ءتول ونەرىمىزدىڭ مارتەبەسىن اسقاقتاتىپ جۇرگەن ازۋلى، ارقالى اقىندار قاتىسىپ، جىلدىڭ قورىتىندى ايتىسىن جاسايدى. ەلىمىزدەگى كىل جۇيرىكتەر قاتىساتىن ءدۇبىرلى دودادا اقىندارىمىزدىڭ كورەرمەندەرگە ۇسىنارى مول بولماق. سونداي-اق، ايتۋلى ايتىسكەرلەردى دە بۇرىندى-سوڭدى بولماعان توسىن سىي كۇتىپ تۇر.
جىر سايىسىنا ايبەك قالييەۆ، رينات زايىتوۆ، اسپانبەك شۇعاتايەۆ، ەركەبۇلان قاينازاروۆ، جانسايا مۋسينا، ماقسات احانوۆ، اسەم ەرەجە، مەيىربەك سۇلتانحان، رۇستەم قايىرتاي، شالقارباي ءىزباساروۆ، مۇحتار نيازوۆ، يرانعايىپ كۇزەمبايەۆ، سەرىكزات دۇيسەنعازى، ديدار قامييەۆ، قاليجان بىلداشيەۆ، حازىرەت بەردىحان، ەرشات قايبولدين، مارات احمەتوۆ سياقتى جىلدىڭ ەڭ ۇزدىك اقىندارى قاتىسادى.
ايتىستى ق ر ەڭبەك سىڭىرگەن قايراتكەرى، ايتىس اقىندارى مەن جىرشى، تەرمەشىلەردىڭ حالىقارالىق وداعىنىڭ باسقارما ءتوراعاسى ءجۇرسىن ەرمان جۇرگىزەدى.
ۇيىمداستىرۋشى: ايتىس اقىندارى مەن جىرشى، تەرمەشىلەردىڭ حالىقارالىق وداعى.
ايتىستىڭ باس بايگەسى بەس ميلليون تەڭگە.
ۋاقىتى: 2017 جىل، 29-30 جەلتوقسان، ساع: 15:00.
وتەتىن ورنى: الماتى قالاسى، جولداسبەكوۆ اتىنداعى ستۋدەنتتەر سارايى(ءال-فارابي اتىنداعى قازۇۋ-دا)
بيلەتتەر ستۋدەنتتەر سارايىنىڭ كاسساسىندا ساتىلۋدا.
