بۇۇ قاۋىپسىزدىك كەڭەسى داۋىستاردىڭ كوپشىلىگىمەن سيرياعا گۋمانيتارلىق جاردەم بەرۋ تۋرالى 2165 قاۋىپسىزدىك كەڭەسى رەزوليۋسياسىنىڭ مەرزىمىن 1 جىلعا ۇزارتتى، دەپ دەپ جازادى Qamshy.kz اقپارات اگەنتتىگى 24.kz-كە سۇيەنىپ. 

اتالعان رەزوليۋسيانىڭ سيريانىڭ سولتۇستىگى مەن شىعىسىنداعى 3،5 ميلليون حالقىن گۋمانيتارلىق كومەكپەن قامتىپ وتىرعاندىعىن ەسكەرە وتىرىپ، قازاقستان اتالعان قۇجاتتى داۋىس بەرىپ قولدادى.

قازاقستان سيرياداعى گۋمانيتارلىق جاعدايدىڭ جاقسارۋىنا باعىشتالعان حالىقارالىق قاۋىمداستىقتىڭ بارلىق ءىس-شاراسىن قولدايدى دەلىنگەن قازاقستان دەلەگاسياسىنىڭ مالىمدەمەسىندە. سيرياعا گۋمانيتارلىق كومەك كورسەتۋدە قولدا بار مۇمكىندىكتەر مەن ادىستەردىڭ، سونىڭ ىشىندە 2165 رەزوليۋسيانى دا ساقتاپ قالۋ ماڭىزدىلىعى باسا ايتىلدى.

دەگەنمەن، قازاقستان دەلەگاسياسى بۇۇ-نىڭ گۋمانيتارلىق باسقارماسىنان مونيتورينگ پەن اشىقتىق مەحانيزمدەرىن جاقسارتۋدا بارلىق كۇش-جىگەرىن سالۋدى ءوتىندى. سيريا پروبلەماسى گۋمانيتارلىق كومەك بەرۋ ارقىلى عانا شەشىلۋ مۇمكىن ەمەس ەكەندىگىن ايتا وتىرىپ، وتە اۋىر شارتتاردا بىتىمگەرشىلىك قۇرىپ جاتقان جەنيەۆا پلاتفورماسى مەن استانا پروسەسىن بۇۇ قاۋىپسىزدىك كەڭەسى مۇشەلەرى قولداۋىن قازاقستان دەلەگاسياسى ولاردان ءوتىندى. قازاقستان تاراپى وق اتۋدى دوعارۋ رەجيمىن ساقتاۋدىڭ ماڭىزدىلىعىن اتاپ ءوتتى.