الماتىدا «بارىس 4» بازارىندا جەتى كونتەينەر ورتەندى. قازا تاپقاندار مەن زارداپ شەككەندەر جوق، دەپ حابارلايدى Qamshy.kz اقپارات اگەنتتىگى sputniknews.kz cايتىنا سىلتەمە جاساي وتىرىپ. الماتى تجد رەسمي وكىلى ساندۋعاش بايمۇحامبەتوۆا. 

كونتەينەرلەر جانىپ جاتقانى تۋرالى حابار الماتى قالاسى تجد "101" پۋلتىنە بۇگىن ساعات 04:31-دە تۇسكەن. 10 مينۋتتان سوڭ وقيعا ورنىنا ءورت سوندىرۋشىلەردىڭ العاشقى لەگى كەلدى. جالىن ۇلكەن اۋماقتى شارپىعاندىقتان قوسىمشا كۇشتەر تارتىلدى. 

«ءورت سوندىرۋشىلەر كەلگەندە كونتەينەر قاتارى ورتكە ورانىپ، ەكىنشى قاباتقا جانە «بارىس 4» بازارى كوپفۋنكسيونالدى كەشەنىنىڭ توبەسىنە تاراعان. وقيعا ورنىندا شتاب ۇيىمداستىرىلدى»، —دەپ مالىمدەدى بايمۇحامبەتوۆا. 

بەلگىلى بولعانداي، جەتى ازىق-تۇلىك كونتەينەرى ورتەنگەن. ءتىلسىز جاۋدى اۋىزدىقتاۋ كەزىندە التى گاز باللونى شىعارىلدى. ءورت سوندىرۋشىلەردىڭ جەدەل ارەكەتىنىڭ ارقاسىندا جاقىن ورنالاسقان قۇلشىلىق بولمەسىنە زيان كەلگەن جوق. 

ءورت ساعات 06:12-دە ءسوندىرىلدى. جالىن 900 شارشى مەتر اۋماقتى شارپىعان. ءورتتى سوندىرۋگە جەكە قۇرامنىڭ 96 ادامى مەن 27 دانا تەحنيكا جۇمىلدىرىلدى.