بۇگىن الماتى قالاسىنىڭ «قايرات» فۋتبول كلۋبىنىڭ ويىنشىلارى تۇركياعا اتتانادى.

وندا ولار 8-23 قاڭتار كۇندەرى ارالىعىندا جاڭا ماۋسىمعا دايىندىق بارىسىنداعى وقۋ-جاتتىعۋ جيىنىن وتكىزەدى. سلوۆاكيالىق باس باپكەر ۆلاديمير ۆايسس جاتتىقتىراتىن الماتىلىقتار بۇعان دەيىن بەلەك قالاسىندا  9-22 جەلتوقسان كۇندەرى العاشقى ازىرلىگىن وتكىزگەن بولاتىن. وندا ولار 14 جەلتوقسان كۇنى وتكەن جولداستىق ماچتا قاراعاندىنىڭ «شاحتەر» كومانداسىنان (2:0) باسىم ءتۇسىپ، 17 جەلتوقساندا رەسەيدىڭ نالچيك قالاسىنىڭ «سپارتاك-نالچيك» كومانداسىمەن (0:0) تەڭ ءتۇستى.

ەكىنشى جيىنعا اتتانار الدىندا كوماندا باسشىلارى جارتىلاي قورعاۋشى رۋسلان ساقالبايەۆپەن كەلىسىمشارتتى 3 جىلعا ۇزارتتى. بۇعان دەيىن ۆ.ۆايسس الدىمەن كوماندانىڭ قازىرگى قۇرامىن  ەلەكتەن وتكىزىپ، لەگيونەرلەرمەن كەلىسىمشارتتى ۇزارتۋ-ۇزارتپاۋ ماسەلەسىن شەشەمىز دەگەن بولاتىن.