بۇگىن تاجىكستان رەسپۋبليكاسى مەن قازاقستان رەسپۋبليكاسى اراسىندا ديپلوماتيالىق قاتىناستاردىڭ ورناعانىنا جيىرما جىل تولدى. وسىناۋ تاريحي كۇنگە وراي تاجىكستان پرەزيدەنتى ەمومالي راحمون قازاقستان پرەزيدەنتى نۇرسۇلتان ءابىش ۇلى نازاربايەۆقا قوس ەل اراسىنداعى ىنتىماقتاستىقتىڭ جاندانا بەرۋىنە تىلەكتەستىك ءبىلدىرىپ، قۇتتىقتاۋ حات جولدادى. بۇل تۋرالى ق ر پرەزيدەنتىنىڭ باسپا ءسوز قىزمەتى حابارلادى.
"قۇرمەتتى نۇرسۇلتان ءابىش ۇلى!
وسى كۇندەرى تاجىكستان رەسپۋبليكاسى مەن قازاقستان رەسپۋبليكاسى اراسىندا ديپلوماتيالىق قاتىناستاردىڭ ورناتىلعانىنا جيىرما جىل تولادى.تاجىك-قازاقستان قاتىناستارىنىڭ قازىرگى تاريحىنداعى وسى مەرەيلى كۇن سىزگە جانە ءسىز ارقىلى باۋىرلاس بارشا قازاقستان حالقىنا شىن جۇرەكتەن شىققان قۇتتىقتاۋلارىم مەن ىزگى تىلەكتەرىمدى جولداۋداعى قۋانىشتى ساتتەردى ماعان سىيلاپ وتىر.
بىزدەر ءۇشىن اسا ەرەكشە وسى وقيعا بولعان شاقتان كەيىنگى مەزگىلدە تاجىكستان مەن قازاقستان اراسىنداعى دوستىق قاتىناستار مەن ءوزارا ءتيىمدى ىنتىماقتاستىقتىڭ ەكىجاقتى فورماتتا دا، كوپجاقتى ءوزارا ءىس-قيمىلداردا دا سەرپىندى دامىپ، قارقىندى ءوسۋىپ وتىرعانىن زور ريزاشىلىقپەن اتاپ وتكىم كەلەدى.
بۇگىندە ولار ءىس جۇزىندە مەملەكەتتەرىمىزدىڭ مۇددەلەرى ۇيلەسەتىن ءومىردىڭ بارلىق سالالارىن قامتيدى جانە وڭىرلىك تۇراقتىلىقتى ساقتاۋدىڭ فاكتورى بولىپ كورىنۋدە.
ءبىز جوعارى دەڭگەيدە قالىپتاسقان قازىرگى تاجىك-قازاقستان بايلانىستارىن قادىرلەيمىز ءارى حالىقتارىمىزدىڭ وي-ارماندارىن ەسكەرە وتىرىپ، ولاردىڭ ءار الۋان اسپەكتىلەرىن ۋاقىت تالاپتارىنا سايكەس، جاڭا مازمۇنمەن تولىقتىرۋعا مۇددەلىمىز.
تاجىك-قازاقستان قاتىناستارىنىڭ بۇگىنگى الەۋەتىنە سۇيەنە وتىرىپ، بىرلەسكەن كۇش-جىگەردىڭ ارقاسىندا ءوزارا بايلانىستى دامىتۋدا جاڭا بيىكتەرگە جەتەتىنىمىزگە سەنىم بىلدىرەمىن.
قۇرمەتتى نۇرسۇلتان ءابىش ۇلى، سىزگە شىن ىقىلاسپەن زور دەنساۋلىق جانە قىزمەتىڭىزگە جاڭا تابىستار، ال باۋىرلاس بارشا قازاقستان حالقىنا قۇت-بەرەكە جانە بۇدان بىلاي دا گۇلدەنە بەرۋدى تىلەيمىن"، - دەلىنگەن تاجىك باسشىسىنىڭ قۇتتىقتاۋىندا.
BAQ.KZ
پىكىر قالدىرۋ