ەستەرىڭىزدە بولسا وتكەن جىلدىڭ سوڭىندا بەلگىلى ساياساتكەر ەرلان قارين، «abai.kz» اقپاراتتىق پورتالىنىڭ ۇيلەستىرۋشىسى ايدوس سارىم  باستاعان باستاماشىل توپ قاڭتار ايىندا قازاق سايتتارى رەداكتورلارىنىڭ ءبىرىنشى كونفەرەنسياسى وتەتىنىن حابارلاعان.  ەندى، مىنە اتالمىش جيىننىڭ 22 قاڭتاردا استانا قالاسىندا وتەتىنى جاريا بولدى.

مۇنداي كەلەلى جيىنعا قىتايداعى قانداستارىمىزدا ءۇن قوسىپ وتىر. «سەن-قازاق» اقپاراتتىق پورتالىنىڭ جەتەكشىسى اقىتبەك شەريزات ۇلىنىڭ ۇيىمداستىرۋىمەن «قىتايداعى قازاق سايتتارى رەداكتورلارىنىڭ جيىنى» 26 قاڭتاردا ءۇرىمجى قالاسىندا وتەتىن بولدى. بۇل شەتەلدەگى قازاقتاردىڭ كوك تۋعا قاراپ بوي تۇزەپ وتىراتىندىعىنىڭ تاعى ءبىر بەلگىسى بولسا كەرەك. ەڭ باستىسى، اتاجاۇرتتا باسىن قوسا الماعان 15 ميلليون قازاقتىڭ عالامتوردا ءبىر نيەت، ءبىر تىلەكتە جۇمىس جاساپ وتىرعاندىعى قۋانتادى.

مەيلى قاي جەردە وتسەدە «قازاق سايتتارى رەداكتورلارىنىڭ جيىنى» تولعاعى پىسكەن، ۋاقىتى جەتكەن كەلەلى جيىن بولعالى تۇر. ويتكەنى عالامتور شەكارامەن شەكتەلمەيدى. سوندىقتان مۇنداي جيىننىڭ اتقاراتىن شارۋاسى شاش-ەتەكتەن. بۇل شىنداپ كەلگەندە جاقىن بولاشاقتاعى بار قازاقتىڭ باعدارىن بەلگىلەيتىن جيىن بولماق.