10 قاڭتاردا وڭتۇستىك قازاقستان وبلىستىق ءماسليحاتىنىڭ كەزەكتەن تىس 19-سەسسياسىندا استانا داڭعىلىنىڭ اتاۋىن نۇرسۇلتان نازاربايەۆقا وزگەرتۋ تۋرالى ۇسىنىس ايتىلدى دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
«نۇر وتان» پارتياسى شىمكەنت قالالىق فيليالىنىڭ ءتوراعاسى، وبلىستىق ءماسليحاتتىڭ دەپۋتاتى ءومىرزاق مەلدەحانوۆتىڭ ازاتتىققا ايتۋىنشا، قالاداعى استانا داڭعىلىنىڭ اتاۋىن پرەزيدەنت نۇرسۇلتان نازاربايەۆتىڭ اتىنا اۋىستىرۋدى مەملەكەتتىك قۇقىق ماسەلەلەرى، ءوزىن-وزى باسقارۋ جونىندەگى تۇراقتى كوميسسيا مەن جەرگىلىكتى دەپۋتاتتار ۇسىنعان. ۇسىنىستى سەسسيا وتىرىسىندا مەلدەحانوۆتىڭ ءوزى وقىپ بەردى.
كوشە اتاۋىنا نۇرسۇلتان نازاربايەۆتىڭ ەسىمىن بەرۋ ۇسىنىسىن سەسسيا وتىرىسىنا قاتىسقان دەپۋتاتتاردىڭ بارلىعى ءبىر اۋىزدان قولدادى. ءبىراق كوشەنىڭ اتاۋى تولىق قاشان اۋىساتىنى ءالى بەلگىسىز.
2017 جىلى الماتىداعى فۋرمانوۆ كوشەسىنىڭ اتاۋى نازاربايەۆ داڭعىلى بولىپ وزگەرتىلگەن.
