جىل باسى قاڭتاردا ءبىرقاتار زاڭدار ءوز كۇشىنە ەندى. ماسەلەن، كولىك جۇرگىزۋشىلەرىنە سالىناتىن ايىپپۇل كولەمى تومەندەيدى. ول بويىنشا كولىك تىزگىندەگەندەرگە ءبىرقاتار جەڭىلدىكتەر قاراستىرىلعان. سونىمەن قاتار، بيىلدان باستاپ پەدوفيلدەر حيميالىق جولمەن جازالانادى. ال، قاڭتاردىڭ بىرىنەن ەڭ تومەنگى جالاقى مەن زەينەتاقى كولەمى دە وزگەردى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

ماسەلەن، كولىگىن مۇگەدەكتەرگە ارنالعان تۇراققا قاڭتارعاندارعا ءبىرىنشى قاڭتاردان باستاپ 22 مىڭ تەڭگە ايىپپۇل سالىنادى. وسىعان دەيىن ونىڭ كولەمى 113 مىڭ تەڭگە بولاتىن. ال، قارسى جولاققا شىققان كولىك يەلەرى وسىعان دەيىن ءبىر جىلعا جۇرگىزۋشى كۋالىگىنەن ايىرىلسا، ەندى ەكى اي كولىك تىزگىندەمەيدى. ماشينا شامىن جاقپاۋ سەكىلدى ۇساق جول ەرەجەلەرىن بۇزعاندارعا ەندى جول-پاترۋلدىك پوليسياسى تەك ەسكەرتۋ جاسايتىن بولدى.

پەدوفيلدەردى حيميالىق ءپىشتىرۋ جازاسى 2018 جىلدىڭ ءبىرىنشى قاڭتارىنان كۇشىنە ەندى. حيميالىق كاستراسيا قولدانۋدى سوت شەشەدى. تۇرمەدە پەدوفيلگە ەركەكتىك قۋاتىن السىرەتەتىن ءدارى ەگىلەدى. سونىمەن قاتار، سوتتالۋشى بوستاندىققا شىققاننان كەيىن دە 3 جىل قاتاڭ باقىلاۋدا بولادى.

يت جىلىنداعى تاعى ءبىر جاعىمدى جاڭالىق، شىلدەدەن باستاپ ەلىمىزدە  بازالىق زەينەتاقى مەن جاردەماقى 8 پايىزعا وسەدى. وسىلايشا، زەينەتاقىنىڭ تومەنگى مولشەرى 49 مىڭ، ورتاشا كولەمى 71 مىڭ تەڭگە بولماق. سونداي-اق، ەڭ تومەنگى كۇنكورىس دەڭگەيى 28 مىڭ تەڭگەگە دەيىن كوتەرىلدى.